ذكريات
مش فاضلي
في بعدي عنك
غير شويه ذكريات
........
حبه ألم من اللي عدي
حبه أمل في حب مات
فالحكايه من سكات
.......
اني حبيتك وحبك
كل دي تهياءات
....
اللي باقي من عيونك
هما بس النظرتين. ..
حد حب بكل قوه
وحد عايش ليل حزين
.......
سنين محسوبه من عمري
لكن ضاعت على الفاضي
غصب عني بحس بيه
أصله احساس لا إرادي
.........
ومن ساعتها للسعادي
هو حلمي ومقصدي
طول السنين
..........
ومهما حسيت بالحنين
ومهما طال بينا البعاد
........
ومهما زاد فينا الأنين
ومهما زدنا في العناد
........
لازم يكون فيه أمنيات
ورغم كل المعطيات
........
عمري يوم مبعدت عنها
لأنها عمري اللي فات
........
ومش فاضلي ف بعدي عنك
غير شويه ذكريات
خديهم وامشي من سكات