((حطين صلاح الدين))
انا ارض فلسطين
تاريخ وشعب وحضارة
حلم طفل الوطن جوه منارة
اللى بيه وليه كفاحه
والدليل شوفوا الحجارة
بيها قال للكون هكون
والخيمة راح تصبح عمارة
وطنا راجع مهم غاب
والتاريخ شاهد ياجارة
كم امير اصبح اسير
واللى فاز داق الخسارة
جى عيدى بايد وليدى
وفى عينيه شوفى البشارة
رغم انه شاف ابوه خريح اسير
رغم انه داق مرارة ليل طويل
لسه عارف ان نصرى ده بايديه
وان بعد الليل اكيد شمس الاصيل
جيه تملة ارضى ضى
للى مات واللى حى
ابنى شاف اخوه شهيد
وعارف انه دوره جى
وبردوا لسه بالحجارة
فى كل حارة وكل حى
بيقول بقوة انى ارضه
وان نبضه علشانى حى
بكرة مستقبل ولادنا ياشعوبنا
وباتحادنا فى الوجود هيكون وجودنا
تانى قوة فى الزمان والمكان
وضد كل شدة عودنا
يبقى ثابت زى اهرامنا ومسجد قيروانا
وزى اقصنا فى قلوبنا
حطين صلاح الدين
تانى عادت لم عودنا لاتحادنا