ذكرى خالده بقلم الأستاذ : رفعت فايد // مجلة نجوم الأدب والشعر

.***** ذكرى خالده *****..................
---------------------------------------------------------------------
كانت حبيبه للفؤاد .... سكنت وما طلعتش
تركت مكانها ببدنها ... وطيفها باقى ما غادرش
عبيرها باقى معطّر جوّنا صافى
بعطر فوّاح أصيل .. مفيهوش حاجه إضافى
كل كلامها مسجّل عندنا بالحرف
ضحكتها كانت بتسعد... روحنا ليها ترفّ
كأنّها كات معانا ... من سنين وسنين
زى اللى كنا فى بيت واحد.. وفيه عايشين
فرشتها أكلتها .. حتى وهىّ زعلانه
كنا مشاركين لها ...وكأنها معانا
الصبح لمّا تصبّح ... الدنيا تضحك لى
وفى المسا.. أبقى تايه .. لمّا تنده لى
أصحى وأملى أشوفها .. وبالكلام ارتاح
وابعت سلامى لها .. مع الموج السبّاح
فى بحر بلدى الجميل ...اسكندرانى أصيل
وفى لحبايبه وعمره عن الوفا ما يميل
ياما ضحكنا على الوادى .. وسحاب بيمر
ومفيش حشائش هنا ... والأرض زى الفل
ياما لعبنا وحول الوادى وجرينا
وسحاب يمطّر ... وتغرق فيه أمانينا
ياما اتشاركنا هموم وافراح ومشاكل
ساعات يدوم الصفا .. وساعات بنتشاكل
عمرى ما حنساها يوم... لو عمرى كان حيطول
باقيه لى ذكرى جميله .أبدا ما صابها أُفول .
.................................... ( رفعت فايد ).