فى نفس اليوم بقلم الأستاذ : عـــــادل الشـــــهــابى // مجلة نجوم الأدب والشعر

زائر

فى نفس اليوم ....
فى نفس اليوم مطر وبرد وشمس ورعد ...
وناس تحت الشجر وكأنهم أغراب عن بعض ....
الجو فى يوم يتقلب على كل شكل ولون ....
شمس وزعابيب ومره واحده سكون ...
سبحانه ربى خالق يا ناس الكون ...
جو غريب تقدر تقول عليه مجنون ...
والكل بيه يا ناس مفتون ...
فى يوم الشمس طالعه منوره ...
تتمايل وترقص بين الاشجار بغندره ...
بقدر تشبهها بصبيه جميله صغيره ...
وشويه تلاقى سحابه وغيوم ...
ومطر ورعد يعكر عليك اليوم ..
ورياح فى ثانيه كمان بتقوم ...
تقدر تفكر كده وتقول ...
فى يوم واحد يمر عليك الاربع فصول ..
غريب الجو هنا يا ناس ....
حاجه تطير العقل من الراس ...
يوم يبدء بشمس سبحان الخلاق ...
وفى ثانيه مطر طب ازاى يكون بينهم وفاق ...
عجبانا بس تاعبنا جوها ...
علينا بتدلع ما بينا ليها حبها ...
جوك يا ايطاليا والله غريب ...
على أهلك عادى أنما علينا عجيب ...
أعملى معانا ما بدالك ...
أصل أحنا كل واحد بعلو صوته ندالك ..
وساب بلاده وبسرعه يا ايطاليا جالك ..
والله جوك علينا عجيب ..
بقلـــــــم: عـــــادل الشـــــهــابى