زائر زائر
| موضوع: بصر .. بلا بصيره بقلم الأستاذ : رفعت فايد // مجلة نجوم الأدب والشعر الأربعاء نوفمبر 25, 2015 10:41 pm | |
| بصر .. بلا بصيره !!!!!*................. --------------------------------------------------------------- يللّى بتنظر لتحت... يا أخ بص لفوق الورد لونه وجماله.. مش لتحت دا فوق ليه انت دايما عيونك.. ما تشوفش غير الشوك ؟ دا هوّه حامى الورود...من بلطجىو صعلوك واصل الجمال فى الحياه.. محتاج حرس وجنود والشوك فى ورد المحبه ... فارس وعنها يذود لو سيبنا أى جمال.. من غير حراسه ليه إيدين حقوده وحسوده... رح تبهدل فيه وفى ناس فى دنيا البشر.. تكره جمال الورد ولو شافوه يقطفوه .. لو زرعه كان عالخدّ لو ما طالوش يقطفوه .. يقذفوه بالطين ويقولوا من حقدهم.. يا احمر الخدّين دول فى بلدنا بشر.. فى النسمه يبقوا شرد فى الدنيا ما يشمّوش لا زهر ولا ريح ورد لمّا يشوفوا الورود .. عينهم على الأشواك ورغم ذلك ورودنا .. طالعه للأفلاك الورد فى مصر فتّح... فى عيون الحلوين وشوكه إبر قويّه .. فى عيون الحاسدين ................................... ( رفعت فايد ) |
|