حيرتونى يا خلق الله بقلم الأستاذ : محمد الباشا // مجلة نجوم الأدب والشعر

زائر

حيرتونى يا خلق الله
'،'،'،'،'،'،'،'،'،'،'،'،'،'،'،'،'،'،'،'،'

حيرتونى ....... يا خلق الله
اسم الله ....هو الرحمن.
تزرعوا نبت القسوة دا ليه؟
وزعتوه ف كل الأركان.
والرحمة يا سعادة البيه
ليه انسيتوا اسم الديان.
هو البيه يرحمكوا بإيه ؟
إيه ف ايديه غير الطغيان.
لما تماللى تبوسوا ايديه
خليتوا الظالم..... عنوان.
واتمسحتوا كعوب رجليه
لاجل رضاه وبرضك زعلان.
وأخذتم منه .......البركات
ودفعتم ليه كل الأثمان.
وارضيتم كلمة وسلامات
لو بالكدب الظاهروالبهتان.
والكلمة مش هاينة عليه
ولا حتى بيعطيكوا أمان.

متعالى ولا فيش حواليه
غير نفسه وحبة رعيان.

والرحمة انعدمت ف ايديه
ولا يعرف معنى الإحسان.

حيرتونى ..يا خلق الله
حيرتوا قلبى التعبان.

فين راح فين دمع الأواه
وكمان راح فين الإنسان.

محمد الباشا