ساب لى فى التذكار بتاع بقلم الأستاذ : عادل عوف // مجلة نجوم الأدب والشعر

زائر

ساب لى فى التذكار بتاع
......................................ع

ليه فى لحظة ضعف باع ،
من غير ندم
من غير تردد
اعلنت قلبه وزير دفاع ،
زاد فى عنده و زاد تمرد
واللى بنا فى ثانيه ضاع ،
وياريته مره حتى هدد
الا جانى وقال خلاص ،
م النهارده فراقنا حتمى
حتى باقى الود داس ،
حُرقة الأشواق في دمي
وقال كلامه عن الملل ،
وان ضاع فجأة الامل
وقلبه قال لا يحتمل
ضى حبى إن كان شعاع
وقال وداع
وساب لى فى التذكار بتاع

ولما أحن أنا ليه و اشتاق
اخده فى خضنى بالاشواق
والّى يحاول منى يطوله
يبقى يا ويله
ضحى
و ضاع

ساب لى بتاع
كُله بتُوع
بتحرضنى تقولى رجوع
وتفكرنى إن أنا موجوع
قلبى مدوحس منه صُباع

والبتُوع فيها البتايع
بتقول عنك
إنسان بايع
ضاع الحب
ولسه أنا سامع
فضح الأمر ونشره و زاع
................................ .... .
.. ‫#‏عادل_عــــــــــــــــــــــــــــــوف‬