إيه جرالنا بقلم الأستاذ : مصطفى عبد السلام // مجلة نجوم الأدب والشعر

زائر

ايه جرالنا
----------
مبقناش ببعض نحس وتملى نقول احنا مالنا
عايشين لنفوسنا وبس فاكريين الدنيا ديملنا
كل حاجه عاوزنها لينا و أقرب مالينا نسينا
ومبقاش ع لسانا غير خلينا ياعم ف حلنا
ماتت جوانا ضمايرنا ولابنعفى لو قدرنا
وديما جرح غيرنا يروقلنا ويحللنا
نخون العهود نخوض ف العروض
ونقول أحسن ما فينا موجود دينا وايمانا
نقطع اللى مننا نغدر باللى مأمن لنا
وفاكرين ربنا أل راضى عنا
نتعلق باللى بيلعب بينا نفارق اللى بيخاف علينا
نبيع اللى معاه اتربينا و ف طبق واحد أكلنا
لاشده بينا بتجمع ولاألم غيرنا فينا بيوجع
وبسهوله بنخدع اللى ياما أدلنا
نوايانا زى الحبر وقلوب زى عتمه قبر
حقد وكرهه وكبر بقوا دول رأس مالنا
ف أذيه بعض بنتفنن وكل دقيقه بنتلون
ونقول عليه اتجنن الصادق ف زمنا
اللى بنونا بنهدهم واللى باعونا بنودهم
مع انهم سبب همومنا وأحزانا
وديما حجتنا على قطع مودتنا
ان هموم دنيتنا خلتنا عن بعض انشغلنا
الدين عندنا بس كلام لمصالحنا بنحلل الحرام
ناسيين اننا هنقف قدام المولى وعن اعمالنا هيسألنا
----------
ايه جرالنا---زجل
مصطفى عبدالسلام