معللتى بالوصل والموت دونه..
.....
.. من وحى اغنية .. اراك عصي الدمع ل ثوما .. الملهمة.
...
دمعتين.. " عامية "
.....
يا دمعتين.. فارقوا العنين..
ولحد بابك.. دابوا في الرمل اللى واخد ..
من سنينى نبضتين
...
يا كلمتين...
متغربين بين الليالى والسفر
واللهفه زادت رعشة الجفنين
اذا رف الحنين ..
و أخدني فى سكة وجع
يا قلب لما المشتكى والمرتجع
بيكون للهفة عين قريبه
.. والادين
......
يا ادين ما تعرف الا تهدي
حيرة اللهفان لفج النور
وترمي الليل بنوار البدور
وانا اعمل ايه ف الليل لوحدى
والادين.. نفس الادين غمت عيون البدر ..
بالليل الحزين
...
يا نور عنيها اللي رمالي وردتين
دبلوا ف زمان النار وكانوا دمعتين
....
كلمات/ محمد ابوزهرة..
كراديس... ٥/١٢/٢٠١٥