يا دنيا فيك العجب....للشاعر رضا رضوان

يا دنيا فيك العجب … للشاعر رضا رضوان

يا دنيا فيـك العـجــب
ولا سحـابــة صـيـف
وبجــــد حــالك كــدا
يغنى عـن التعـريف

العلم فـيــك اختـفى
والجهـــل فـيك ساد
واللى بقى له صوت
ينسـاب له والله بلاد

الشــر فى طـــبــعـكم
يا اللى ضميركم مات
وسقيتـوا نــار شركم
فى طـفـلـكم سـنـوات

مـتحـكـمـوا عـقـلـكـم
الدنيـا مـش بـاقيــة
أيـامـنا طـول عمرها
بتـدور كمـا الساقـية

من فضلكم تسمعوا
فى العمر لو مــــرة
متصدروش عقلكم
فى الحلوة والمـــرة

فى الشر تتجمعوا
شايلين سكاكــنـكم
فى الخير ببتفرقوا
سايبين مســـاكنكم

المحـتـرم عـنـــدكم
يبقى ما لوش كلمة
واللى أساس شركم
يبقى له كام كلمــة

الحق فى شرعـكم
يبقى الكــلام الزور
أشعلتوا نـــار الفتن
وطفيتوا كل الـنـور

هتقولوا إيه يا بشر
للواحـــد القهــــــار
رميتوا ليه لحمـكم
ولعبتوا ليه بالنـــار

رميتوا ليه لحـمكم
ولعبتوا
ليه
بالنار