على كل حال
انا كنت عارف اصلا انه : #مافيش_محال
ومافيش بشر الا وعاش لو مرة حتى ب #الانتحال
لكن طبيعي ان الحقيقة تكون ألم
وحتى لو كانت دوا
طبيعي جدا اني اخاف شكل العدم
لما أكتشف إنك هوا
انك خيال
على كل حال
للعلم مش للاتهام
ولا للندم على اي شيء
انا كنت حذرتك زمان
انك بتتوهم حياة في اللاحياة
وشاورتلك على خطوتك
اللي بتتوهم طريق
كدبتني وقعدت تتمرغ عليه زي العيال
على كل حال
انا وهم فعلا وانت شكلته بايديك
وده مش مهم
انا بس بسأل امتى هاتصدق عنيك
ان انت وهم
انا برده لبسته الجمال
#اخر_سؤال
#احمد_سعيد
#دون_كيشوت