زائر
زائر
 |  موضوع: لسة فاكرة بقلم الأستاذ : خالد حموده // مجلة نجوم الأدب والشعر  الجمعة ديسمبر 11, 2015 1:00 am | |
| لسه حيطة اوضتى فاكره
القلق ساعة المذاكره
وكل حلم حلمت بيه
انه يكون عنوانى بكره
وكل موقفى فى الحياه
اخدت منها الف فكره
لسه حيطة اوضتى فاكره
لسه فاكره من حبيبتى
كل همسه
لسه فاكره من اديها
كل لمسه
وكانت نتيجتى فى الحياه
هى صفر شارطه خمسه "0-5"
لسه حيطة اوضتى فاكره
لسه فاكره صوت ابى
لسه فاكره ركوبى على ظهره
فى الركوع وانا صبى
لسه فاكره خوف بلادى
من زعل الاجنبى
لسه حيطة اوضتى فاكره
لسه فاكره من الجرح الوجع
لسه فاكره كل صاحب
من الصاحب طلع جدع
لسه فاكره لما كنت
اهبل وبصدق وشوشة الودع
لسه حيطة اوضتى فاكره
#خالد_حموده |
|
