حاول تنسى بقلم الشاعرة : سامية عبد الرحيم // مجلة نجوم الأدب والشعر

زائر

لما تكون متعود ع الوحدة
والدمعة في عينك محتجة
القلب بيجمد دقاته بتقسى
لما تكون متعود ع الوقعة
تتهد وتتكسر مليون حتة
وتلم جراحك طول السكة
لما يسيب إيدك كل الأحبة
ويكون دورك آخر اللستة
وانت عشمان تطلع درجة
أو يمكن
تكسب يانصيب الضحكة
لازم تنسى لازم تقوى
تنشف دمعة تنقص دقة
تحضن نفسك وتشوف بكرة
وتقرب م اللي يقرب منك
حاسس بيك عاشق ضلك
حتى ان كنت مغمض عينك
ناسي روحك وحروف اسمك
لازم تنسى لازم تقوى
ترضى بحالك
حتى ان كنت مجرد ذكرى