عيش حياتك زى طير بقلم الأستاذ : خالد حمودة // مجلة نجوم الأدب والشعر

زائر

عيش حياتك زى طير
طير وغرد بين اغصان الشجر
عيش حياتك زى طير
دى الحياه مهما زاد همها
ليها يوم اصلها
ماشيه بقدر
عيش حياتك زى طير
من تفائله بالعمل
حبه للشمس اكتر من حبه القمر
عيش حياتك زى طير
بيكره حياته فى القفص
مع ان فيه اكل وامان
وبراه كل الخطر
عيش حياتك زى طير
كل هما فى الحياه
انه يعيش حر وطليق
وانه يكون له فى الحياه
رفيقه ورفيق
والرفيقه فى الحياه
هى الحبيبه
والرفيق هو الصديق
اللى يكون فى الشده جنبك
و طيبته بتهون عليك
اللى لو مره تحزن
بتلاقيه هو اللى ليكى
عيش حياتك زى طير
طير ورفرف فى البرارى
او عيش قريب واسمع
اجمل حكاوى فى الحوارى
او بصوتك زين لمه
بين الصحاب ع القهاوى
عيش حياتك زى طير
بيحزن جدا من الثبات
لو يقوم جناحه ينكسر
ومبيستسلمش للاوهام
لو انغلب او يوم خسر
عيش حياتك زى طير
بيطير عالى فى الفضا
ودايما بتكون نفسه راضيه
مهما كان امر القضا
علشان عارف ان عدم الرضى
بيخلى روحه زى حديد
مسك فيه بروما او صدا
عيش حياتك زى طير
رافض انه يعيش ذليل
وحلمه اعلى من الحبال
ولاحلامه راسم دليل
بيحلم يعيش عيشه كريمه
وانه يدوق السلسبيل
والياس عمره ما عرف له باب
برغم ان الطريق كان طويل
عمره فى مهتم براى
فئه فاسده
بتعشق جدا التطبيل
طول عمره حامل هم بلده
بس الحمل عليه تقيل
عيش حياتك زى طير
صبر نفذ وقرر يثور
وقال الفساد يلا غور
دا بلادنا خلاص حالها مال
وجسمها صابه الضمور
حلمه كان عيشه كريمه
من ذل عاش معاه
رغم اختلاف الازمنه
واختلاف كل العصور
وفى يوم حزين
راح يشاهد ماتش فى الاستاد
وعزرائل كان فى المكان دا حاجز معاد
وفى بورسعيد مات الولد
وكام وسبعين من صحابه
حتى البلد استخسرت فيه انها
تنكس علم او انها
تعلن ليوم حاله حداد
‫#‏خالد_حموده‬