نص /بقلم ‏ضياء الادريسي‬ -مجلة نجوم الشعر والأدب

نص
طب وليه !!!
طب وليه نسهر ونكتب
لما بنخاف الكلام !!!
هو بعد الحق واجب
ولا ع الدنيا السلام !!
لما موجب يبقى سالب
واما صوت الحق غايب
طب لإيمتا الصمت داحنا
شعرا لينا الإحترام !!!
لينا دورنا فى الحكاية
الأدب عدل وهداية
هيا دي بداية النهاية
لما زاد الإنتقام ......
ليه تهون الروح مابينا
لينا فينا شيعه سنه
احنا واحد مهما كنا
كلنا طلاب سلام ...
احنا احلامنا الأمان
رغم قوتنا النظام
الفساد الضعف فينا
خوف وجوع هم وزحام
نضرب الماضي بحروفنا
لما تحتار الكرام
احنا شعرا صوتنا قوة
خوفنا ليه
والخوف حرام !!!
غلطه بعد الغلطه غلطه
لما وصلت الف غلطه
لما خربت كل مالطا
واحنا يا شعرا نيام !!!
مره نشرب شهد علقم
لما بنداوي الجروووووح
السكوت ع الحق بدعه
قل لو أخرس
انت روح ...
قم وناضل فكر باطل
التخاذل ليه يطول !!!
واحنا اهل الكلمه اقرأ
ثم افهم ثم قووووول
م انت شاعر لك مشاعر
يعني فاهم = الكلام
لو تبيع صوتك ضميرك
يبقى ع الدنيا السلام
طب وليه نتعب ونكتب !!!
‫#‏ضياء_الادريسي‬