مش غلطتى.. للشاعر مندو العتر - مجلة نجوم الأدب والشعر

مش غلطتى
دى غلطة قلبى إللى حبك
مش غلطتى
لأ
دى غلطة قلبى
إللى إشترى قلبك
مش غلطتى
....
غلطتى إنى قابلتك
وإنى سايرتك
وماضحكتش عليك
وإنى وهبتلك عمرى
وحطيته فى إديك
هى دى ياحبيبى
غلطتى
إنى عشت بيك وليك
وماقدرتش عليك
عرفت إذاى ياحبيبى
إنى إتعذبت بيك
مش غلطتى
.......
مش غلطتى
إنى أعيش مجروحه فيك
وحيرة عنيك
بتشدنى
وتهدنى بهمسة إديك
مش غلطتى
إنى أعيش ديما فى حيره
مابين لوعتى
والدمعه الحزينه
وقلبى يكون محتاج إليك
مش غلطتى