فرحة الأرواح /بقلم رفعت فايد -مجلة نجوم الأدب والشعر

.....********** فرحة الأرواح **********..................
-------------------------------------------------------------------------
حبل الوداد اتوصل.... وفرحت الأرواح
مهى أصلها مجنّده..... فى الغدوه والمرواح
الحلوه للحلوه.. تجرى بسرعه تقابلها
والوحشه عارفه صاحبها... وحاشته تناديلها
الروح تهيم فى الورى .. وعند الحبيب ترتاح
مهما تغيب إنما..... ترجع لمحبوبها
بشوق يزيد عندهم... وكأنّه لحظه ما راح
واحنا فى دنيا البشر... محناش ملائكيه
نزعل ونبعد شويّه... ظاهره صحيّه
لكن بسرعه يروق الجو .. بين لحباب
يبقى الوداد متّصل .. مدام يكون فى عتاب
المؤمنين يزعلوا... لكن كومضة برق
بعتاب بسيط يرجعوا... أحباب ولو لها حق
لكن بعيد عنّكم فى نفوس زعلها اسود
ما يروحش أبدا ...ولو جاله ملاك بالحق
يكفينا ويّاكوا شر نفوس .. مريضه بالكره
وتسرى بيننّا المحبّه .. باخلاص وحب بحق .
.............................................. ( رفعت فايد ).