ليله من عمر الليالي
***************
في ليله من عمر الليالي
كنت وحدي وياحالي
إجتاحني للماضي حنين
إسترسل ذكريات السنين
قولت أناجي أيام زمان
أما كان في الدنيا أمان
والقلب فاضي وخالي
سهران بيسرح ف الليالي
يرسم صوره للمحبوب
عاشقها وفيها يِدوب
وفجأه فوقت م الأحلام
رجعت م الماضي إللي كان
للحاضر إللي عيشاه أوام
وقصه لسه نهياها اليوم
في التو والحال
ضاعت فيها الأمال
والقلب كَل م التِرحال
نازف دِقيقه بِدقيقه
لِوَهم صوره مِش حَقيقَه
مَرسومَه مِن نَسج الخَيال
طِلع الأمير مش أصيل
جاحِد وناكر للجِميل
وف ليله كان التَيار عالي
والدَمع جَف مِن نَزف الليالي
قولت ياموجه ماتهَديِ
بالراحه علينا وعَديِ
نِفسيِ ليله أرتاح
أنام مِن غير بُكَيَّ ونِواح
وبِاسم الله الفَتاح
نِقول للدُنيا سَماح
بَس عَديِ إنتِ بالراحه
وسيبيني أرتاح ولو ساعه
ياموجه صَبريِِ نَفَذ
وإتقَطَعِت بيا السُبل
ومالَقيت غير سَبيل واحد
طَلب بِسُرعَه نِتواعد
وفَرَدلي جِناح الشوق
طَبطَب عليا وقالي أروق
حَلق بي في السَما فوق
ضَعيفَه كما القَشَه
وفَجأه رماني بِذوق
مافوقت إلا بألم مُبرح
وذِكريات قاسيه
لِنَفسيِ وأنا ناسيه
إفتَكرت الحَياه مَعاه تِفرِح
بَنيت أوهام
وقولت هانام خَلاص وأفرح
أتاريها جَمره مِن نار
تِحرق قُلوب الأخيار
حَرقت الماضيِ والحاضر
وحَرقتني أنا وَياه
وِوَحدي حَصَدت قَساه
مِن بَعد ماكان مُناه
في يوم أكون وَياه
وديِ نِهايه قِصِتيِ
وهيا دي مِحنِتيِ
إللي عيشتَها مَعاه
موضوع: ليله من عمر الليالي .. بقلم الشاعرة صفاء عبد ربه - مجلة نجوم الأدب والشعر 
الجمعة يناير 22, 2016 7:30 pm
