وبقيت بخاف من كل شيء
من بعد قلبه ما هدني
نظرة عينيه .. رمشه القوي
صوته اللي ليه بيشدني
رعشة ايدين الشوق ما بين
قلبه اللي كان بيهزني
وخطاوي عمري الملهوفين
على حضن دافي يلمني
وبقيت بخاف اني المحك
بين السطور حرفين زهق
حبِّة شعور من غلبها
هربت لأحضان الورق
ما رحمش خوفها السر يوم
فردت جناحها على الملأ
ولانها احساس بريء
من لمسة النور اتحرق
وبقيت بخاف لو شدني
حضنك لاحساس بالامان
وانا اللي من قبلك بكيت
وكتبت الفين كان وكان
درويش انا ف بحر الهوى
شاب عمري فيه قبل الاوان
لو تطلبي شوقي الصبي
اسف هاقولك كان زمان
#وبقيت_بخاف
#عاطف_حمدان_محمد
موضوع: وبقيت بخاف من كل شيء بقلم الشاعر : عاطف حمدان محمد / مجلة نجوم الأدب والشعر 
الثلاثاء فبراير 02, 2016 1:36 am
