روح و جرب

قرب و روح إتغرب
قاسي و كمان جرب
إنت هتبعد براحتك
بس من مين بتهرب
من نفسك و ألا أهلك
وألا ناوي تنسى أصلك
هتسافر و تغيب كتير
محلاها عيشة العصافير
والله ما هتلاقي بغربتك
قلب يواسي هناك وحدتك
يا مباعد عن حبايبك
يا ناسي ضياعي بعدك
غربتك يا هاجر بلدك
هتكون زادك وسكنك
وفي وحدتك كفنك
ما أنت تركت ترابك عشان
تدفن حتي أحلام قلبك
يمكن أنساك و أنسى هواك
يمكن ألاقي اللي ينسيني جفاك
أقولك إيه ماإنت أبن بلدي
لا تهون بس هأصون عهدي
يمكن تحن لناسك يوم
يمكن تنسى كل الهموم
ده كل منايا يا ابن الأصول
انك تمنع عنها أي عزول
و ترجع لحضن سقف دارك
يا حضن قلبي و أكون جارك