إيه رأيكم ....؟
إيه رأيكم .....يا أهل الكرم والجود
نقوم سوا ...كلنا .....ونسبح المعبود.
إيه رأيكم ...لو نسامح ......بعضنا
نترك سلاح .....الحقد ..ونبدله بورود.
ننضف قلوبنا ..من ضغينة ونفسنة
ونعيش بفطرة ربنا ...ونعلم ...المولود.
إزاى يسامح ..والسماحة ...ممكنة
أصل السماح...زينه ......والهاش حدود.
إيه رأيكم ..فى كل ليلة ...بنبضنا
ننشر سلام على بعضنا..نمحى الجحود.
ونبات ..نعاتب نفسنا ..قبل المنام
ونعيد شريط ..اليوم ..ونختم..بالسجود.
نسامح اللى غلط ... وسط الزحام
ونعتذر ..عن فعلنا ..ونقدم ...المحمود.
نرد المساوئ ..بالمحاسن والسلام
مش بالسلاح ..والناب ..فى غابة أسود.
ولو نعيش غزلان .. نلملم القطعان
نوحد صفنا .. وبعزمنا ..نبنى الصمود.
نبقى جماعة ....وعصبة ...كالبنيان
مين راح يفرق شملنا ومين يوزع حدود.
ومين ..ها يملك حلمنا ..ده حلمنا
وحدة وعزيمة تضمنا ..زى العنب عنقود.
مية النيل شربنا ..ضل الشجر ضلنا
بإيدينا نزرع خير .....والخير أكيد ممدود.
إيه رأيكم نتفق ..على مبدأ يلمنا
ورايه ترفرف ..بالسلام ..فوق الوجود.
ونبتدى الليلة اتفاق ..على عزنا
نمشي سوا ف درب التقى ..لازم يعود.
قرآنا ..دينا ...وربنا ..فى سعينا
وكلام ..نبينا ..وهدينا ....همه....الجنود.
مين جدد النية معى ....وقال أنا
ومن الليلادى نبتديها .. بفطرة المولود.
محمد ابو سخيل الباشا