***** أنا الشـــاعر *****
أنا الشاعر وهقول كلامى ....
أنا اللى بكتب وأعبر عن أحلامى ...
بحب الناس وعمرى ما كنت أنانى ...
أوقات بنسى الفرح بس الحزن ما بينسانى ..
بنساه وبكتب عنه تانى وتانى وتانى ...
يمكن فى يوم يعرف طريق عنوانى ...
بس جرحه مش سطحى لا ده جرح جوانى ...
بكتب وبضحك أنا بين سطورى ...
بسعد الناس وده أكيد دورى ....
وأنا اللى الحزن بقى من دورى ...
شاعر بكتب عن الفرح وأنا مش عايش فيه ...
بوصف للناس عنوانه وأنا تايهه عن أراضيه ..
كتبت وكل حروفى كانت بتنادى عليه ...
أنا الشاعر اللى وصفت الحب ووضحت معانيه ...
وأنا اللى ماشى فى كل طريق بسأل عليه ...
أنا اللى وصفت بسمه الناس على الشفايف ....
آجى أضحك معرفش ليه من جوايا خايف ...
بعنيه شايف الفرح وهو ليا مش شايف ...
أنا الشاعر اللى بضحك وجوايا حزين ...
أنا اللى مهتم بغيرى وليه هما بيا مش مهتمين ...
أنا اللى كل حرف منى بيأن أنين ...
أنا اللى بالحب عايش وكتير حواليا لايمين ...
أنا اللى تعبت يا ناس من كل البنى ادمين ...
أنا الشاعر اللى مش عارف أقول أنا ايه ...
أنا اللى الحزن يشوفنى بسرعه يجرى عليه ...
وأن غمضت أنا منه القانى عايش فيه ...
بكتب عن حياه تكون ورديه ...
الى يقراه يقول يا عينى عليا ...
مش من قلبى لا بكتب بس بأديه ...
أنا اللى بكتب وأتمنى الفرحه تكون جايا ..
فرحه تكون عارفه عنوانى مش لسه هتسأل عليا ..
أنا كتبت وكل ده والله شويه ....