بيت القصيد
من #محمود #كامل #مصطفى
أغلى شيء فى الدنيا نصرة
أحلى يوم فى العمر عيد
يوم ما تتحقق بفرحه
نصرتك وتكون أكيد
هو ده بيت القصيد
المهم تكون سعيد
الأمل موجود قصادك
إوعى تيأس م الحياة
كل ما يخلص فؤادك
فى العمل تبلغ مناه
وأما جهدك يبقى زادك
يبقى طوقك للنجاة
ينكتب لك من جديد
رزق تانى
ما لوش حدود
هو ده بيت القصيد
المهم تكون سعيد
الحياة تاخد وتدى
ترس داير جوه آلة
أى يوم فيها يعدى
سهل دايما إستحالة
بس إوعى فى يوم تهدى
وإلتجأ لله تعالى
تلقى بكرة الدنيا وردى
لما يطلع يوم جديد
هو ده بيت القصيد
المهم تكون سعيد