عيد الأب
فى عيدك يا والدى هغنيلك
وهشعل كُل قناديلك
وهرسم بالدهب أسمك
ما أنا أسمى من أسمك
ورسمى من رسمك
وخيرى يبقى من خيرك
ومكانتى جايه من سيرك
وحياتى قاسيه من غيرك
وهنعمل اليوم عيدك
وأنا لازم أغنيلك
وياما تعبت علشانى
وصلبنى وسط خلانى
لما أميل تقومنى
وتنصحنى وتمهلنى
ومين غيرك هيعدلنى
وسعات يمكن تكون قاسى
وأنا ماشى من راسى
ولما رحلت يا والدى
شيلت الدنيا على راسى
وشلت كمان فاسى
وتعبك أنا مش ناسى
وجميلك تاج على راسى
النهارده لازم أغنيلك
وصلاتى لازم أدعيلك
ونور الجنه فى جبينك
فى عيدك لازم أغنيلك