يا مقلب القلوب...بقلم الكاتب لطيف نصيف

يامقلب القلوب
************
يامقلب القلوب
مثبت ليه قلبى
حبيبتى سكنت غيرى
ليه ساكنه قلبى
خلقته زى الأرض البكر
اللى بتمسك زرعها بقوه
يموت فيها الزرع
ولا تخلعهوش عاصفه بقوه
ليه قلبى عنيد
ثابت على العذاب
كل القلوب مفتوحه
يخرج حبيب يدخلو أحباب
ليه قلبى انا
قفل عليها الباب
ليه حبها فى قلبى باقى
وقلبى عندها واقف على الباب
مكانه سكنه غيره
وبقى مكانه على الباب
انا اللى صاحب القلب
بقيت شحات على الباب
اخبط على بابه مايردش
ولو رد يرد من وراء الباب
رجعنا لايام زمان
نطمن على بعض برساله
وقت ماتوصل توصل
ولفايه وصولها نار قلبى شغاله
نار من غير حطب قايده
قلبى عيان بالثبات
وثباته من غير فايده
*****************
.•*´¨`*•.¸¸.•*´¨`*•
بقلم / لطيف نصيف
.•*´¨`*•.¸¸.•*´¨`*•
.•*´¨`*•.¸¸.•*´¨`*•
الأحد /2016 / 4 /17
.•*´¨`*•.¸¸.•*´¨`*•