أنا مصر...بقلم الشاعر المصري عادل الشهابى.

****** أنا مصــــــر ******
أنا مصر الصبيه ومين زيى مين ....
أنا مصر الصبيه أم كل المصريين ...
فى القلب كلهم عندى غاليين ...
ايوه أنا اللى براعى الجميع ...
أنا اللى كل ولادى بيخافوا عليا لضيع ...
يبقى أزاى تصدقوا أن حد منهم ليا يبيع ...
ده أنا اللى فى عنيهم شيفينى ربيع ...
أنا الصبيه اللى مفتحه بالورود ...
أنا اللى معايا البسمه على وشوش ولادى تعود ..
أنا ليهم الحض الدافى أنا ليهم الحدود ...
أنا اللى معاهم حافظه كل العهود ...
أنا مصر يا ناس أم الصابرين ...
أنا النور لولادى وضى العين ...
يبقى مين منهم يقدر يخسرنى مين ...
أنا مصر اللى محفوظه بكلام الرحمن ...
أنا اللى كرمنى وذكرنى فى القرآن ...
والرسول على أهلى وصى كمان ...
أيوه أنا مصر الصبيه ...
وجزورى كمان عربيه ...
وقالوا أن اللى بنانى حلوانى ...
حط حجر الاساس أما الجمال ربانى ..
سبحانه من جملنى وخلانى ...
فى قلوب كل العالم ليا مكانى ..
أنا مصر أم الأصل والطيبه ..
أنا لكل الشعوب قريبه وحبيبه ...
أنا اللى دمعت ولادى بتكون عليا صعيبه ..
أنا مصر اللى عشقانى القلوب ...
أنا اللى فى ترابى أولادى تدوب ...
أنا ليهم القسمه وهما ليا المكتوب ...
وعن بعض أبدا مش ممكن نتوب ...
ايوه أنا الطيبه اللى ما يختلفش عليها أتنين ..
أنا الحضن الدافى لكل المصريين ...
أظن عرفتوا أنا مين ....
بقلــــــــــــم: عـــــــــادل الشـــــــهــابى