الوقت فات ... بقلم الشاعرة رضا عبد الوهاب ـ مجلة نجوم الأدب والشعر

الوقت فات والسُكات
فارد شراعُه....... لفُوق
والدنيا صُبح والشموع مِنقادة
رفع جبينه والشمس شاقة الأرض
وتنده اصحى ,,فوق ليه ترضى بالضلمة
فتَّح عينيك دا النور بزيادة والبطن قلاّبة
والحلو يخفى الوحش والحلوة ولاّدة
بس انت قوم ياجدع شِدالرِّحال وانوى
شُق الجبال وارمى دا انت سِيدالبلد
سيد الرجال كالعادة ما هىِ مصر
أم الدنيا وانت ابنها قوم يكَفى نوم
من تانى ابنها وبُكرة فرح وطرح وزهور
وسعادة بس انت طول ما صاحى
لكلاب وديابة بنياب زَرقة وسا يقة فى
الهبل بزيادة فاكرة الكل ممر ويعدوا
يبرطعوا ونسيوا ان المُر احنا اللى بنصنّعه
ونسيوا ان المصرى وقت الشِّدة جَد
لا يميل من ريح جاية ولا يخاف حَد
هو اللى بنى الهرم ,وهو اللى بنى السد
ومن آلاف السنين مادد جسوره مد
زارع غيطانه دهب وكل من فيها طمع ذَهب
وكان فاكرك نعامة طلعت يا ابنى أسد
قُو م دا الصبح شَقشق والنهار سَبق
والضلمة عاتمة .........والصبر ليه حد