مجنون بيكى... بقلم الشاعر المصري سعيد الضبعاوى- مجلة نجوم الأدب والشعر

مجنون بيكى
انا مجنون واستاهل كلام الناس
انا اللى زرعت اخلاصى
وارضك بور ماليها اساس
وانا اللى اديتها احساسى
جنيت منها مرار الكاس
صبح حندل صبح صبار
بقيت اشرب انا منو ليل ونهار
صبح الدم فى عروقى
بقيت منك انا بنهار
لكن من صغرى بهواكى
اكون فى عيونك انا محتار
فى مرة الحب يسقينى
عسل صافى
وتحكى كل اوصافى
انا ليكى
القى الدمع فى عنيكى
اموت فيكى
لكن احلامى كمان تنهار
على اديكى
لانو فلان وفلان
نهش فيكى
سرق منك الايام
بقى يبدل غنويكى
بقى فى التوك التوك الاحلام
كمان فى الرقص امانيكى
انا عازف على الاوتار
اكون مسجون فى لياليكى
تقولى انت بتقبض كام
يكون الهلس علم فيكى
تربى النشا فى الاوهام
ومين بعدى هيحميكى
انا مجنون واستاهل
لانى لسة بموت فيكى