حرام الهجر
تعاندي كتير و أنا أتحمل
وأشيلك بين رموش عيني
و أعيش أستنى و أتأمل
تجيني في يوم تصالحيني
و يزيد الهجر و يطوِّل
أخاف يا حبيبتي تنسيني
و قلبي عمره ما أتحوِّل
و ليه يا حياتي تجافيني
و أقولك سر في الأول
يا ريت صوتك يناديني
يا ريت طيفك يزورعيني
لحبك صِرت أنا أتسوِّل
و بالنكران تكافئيني
لقلبي حبك إتسلل
و كان أملي يقويني
لقيت قلبك بيتدلل
و إنتِ بقسوة بعتيني
في روحي حبك إتغلغل
و رافضة ليه تهنيني
أشوفك أغني و أهلل
و حلمي إنك تضميني
ما بين أحضانك الدافية
بحب و شوق تلاقيني
دي نظرة عينك الناعسة
تغذي فؤادي ترويني
و لمسة إيدك الحانية
تطمن روحي تداويني
وهمسة لخدك الجوري
في عز آلامي تواسيني
و لثمة شفة من فمك
في قلب الليل تصحيني
حرام الهجر يا غالية
ببعدك ده خسرتيني
حرام الهجر في دينا
بلاش روحي تعانديني
حرام يتعذبوا العشاق
تعالي أميرتي دفيني
هاتي إيدك هنا في إيدي
تعالي حبيبتي عانقيني
بلاش تقسي على قلبي
أنا كرهتك فسامحيني