صور ... بقلم الشاعر المصري عادل الشهابي ـ مجلة نجوم الأدب والشعر

عدد المساهمات : 11030 تاريخ التسجيل : 12/09/2015

صور
هنتكلم ونقول على الصور من غير سُكات ...
وهنخصها على صور البروفايل بالذات ...
شوفت راجل سنه عدى ال 60 ..
وحاطط صوره لمهند أبن ال 30 ....
والله صعبان عليا المسكين ...
يا ناس أسمعوا منى كلمتين ...
التعارف مش بالشكل ولا عدد السنين ..
ولا ده معاه كام ولا أبن مين ....
ليه ما نحطش يا ناس صورنا ...
واللى عاوز يعرفنا هو اللى يختارنا ..
بأخلاقنا وحُسن أفكارنا ...
مهما كانت صورتك حطها ...
وسنينك بلاش تعدها ...
أصل اللى هتعرفك مش هتطلب يدها ..
يلا عقدة الخواجه بأيدك هدها ..
دى ملامحك أنت مفيش زيها ...
نيتك هتكون سوء لو غيرتها ...
أنا عاوز اعرف أحمد. او محمد. مش حد تانى ..
حد عربى مش انجليزى ولا هندى ولا تيوانى ..
حد ملامحه شرقية تحمل أجمل معانى ...
مش مهند التركى ولا كاروس الأسبانى ...
عاوز اعرف راجل يحترم سنه مش مراهق بيعانى ..
مفهوم كلامى ولا نقول تانى ...
وأنتى يالى حاطه صوره الأميره ديانا ..
هو أنتى ياختى مش عايشه معانا ؟...
يا ريت تحطى صوره حاجه من الطبيعه ..
يا رب تسمعى الكلام وتخليكى مُطيعه ..
ومحدش يغلط فيا بألفاظ فظيعه ...
أسيبكم انا بقا يالى بتغيروا صوركم ...
تفكروا وتراجعوا من تانى أفكاركم ...