انا نفسي اكونلك ضي... بقلم الشاعر محمود ابو الوفا ـ مجلة نجوم الأدب والشعر

انا نفسي اكونلك ضي
في ليل الضي غاب عنه
واتحدى بيكِ الجي
وحضنك ما اتنازل عنه
واكونلك لو تعوزيني
تشاورى او تناديني
بحبك
يا أغلى من عيني
وحبك
سني من سنه
أنا نفسي اكونلك ضي
في ليل الضي غاب عنه

أنا حبك انت وبس
م الدنيا دي عشقته
ولا غيره قلبي حس
ولا ثانيه انا فارقته
بحبك
مش عشان حسنك ساحرني
لا ولا
عودك فاتني
لا ولا عينيكِ الجميله
اللي تسحر الف جني
بحبك
يعني بهواكي
لأنك
روحي ياملاكي
وقلبي لوحده نئاكي
ولا أستأذن يومها مني
انا نفسي اكونلك ضي
في ليل الضي غاب عنه
واتحدي بيكِ الجي
وحضنك ما اتنازل عنه