ﻛﻠﻤﺘﻴﻦ... بقلم الشاعر شريف رستم - مجلة نجوم الأدب والشعر

ﻛﻠﻤﺘﻴﻦ ﻋﻨﺪﻯ ﻟﻴﻜﻰ ...
ﻛﻠﻤﺘﻴﻦ ﻫﺮﺩ ﺑﻴﻬﻢ ﻋﻠﻴﻜﻰ ...
ﺧﻠﻴﻜﻰ ﻓﺎﻛﺮﺓ ...
ﻓﻰ ﺍﻻﻭﻝ ﺍﻧﺖ ﺍﻟﻰ ﺟﻴﺘﻰ ..
ﻭﺍﻟﻠﺔ ﻣﺎﻏﺼﺒﺘﻚ ......
ﻭﻻ ﺣﺘﻰ ﺍﺗﺤﺎﻳﻠﺖ ﻋﻠﻴﻜﻰ ,,
ﺩﺍ ﺍﻧﺎ ﻳﺎﻣﺎ ﻗﻮﻟﺘﻠﻚ ﺑﻼﺵ ...
ﻣﺎﺗﻘﺮﺑﻴﺶ ﻣﻨﻰ ؟؟؟
ﺍﻟﻘﺮﺏ ﻣﻨﻰ ﻣﺶ ﺑﺒﻼﺵ ..
ﻭﺑﺮﺿﺔ ﻣﺎﺳﻤﻌﺘﻴﺶ ﻛﻼﻣﻰ ...
ﻗﺮﺑﺘﻰ ﻭﻟﻔﻠﻔﺘﻰ ﺣﺒﺎﻟﻚ ﻋﻠﻴﺎ : ﻭﺷﺪﺩﺗﻴﻨﻰ
ﻭﻓﻰ ﻭﺳﻂ ﺑﺤﺮ ﺍﻟﻐﺮﺍﻡ ﺭﻣﺘﻴﻨﻰ ...
ﻭﻟﻤﺎ ﺑﻘﻴﺖ ﺍﺳﻴﺮ ﻏﺮﺍﻣﻚ ...
ﻭﻣﻘﺪﺭﺵ ﺍﻋﻴﺶ ﻣﻦ ﻏﻴﺮ ﻋﻨﻴﻜﻰ ...
ﺩﻟﻮﻗﺘﻰ ﻋﺎﻳﺰﺓ ﺗﻤﺸﻰ ﻭﺗﺴﺒﻴﻨﻰ !!
ﻃﺐ ﻭﻣﺎﻟﻮ ... ﺍﻣﺸﻰ ﺭﻭﺣﻰ ...
ﺑﺲ ﺧﻠﻰ ﺑﺎﻟﻚ ﻟﻮ ﻣﺸﻴﺘﻰ ...
ﻫﺎﺗﺨﺪﻯ ﻣﻌﺎﻛﻰ ﺭﻭﺣﻰ ...
ﻭﺍﻧﺎ ﻭﺍﺧﺪ ﻋﻠﻰ ﺍﻻﺳﻴﺔ ..
ﻭﺍﻋﺮﻑ ﺍﺩﺍﻭﻯ ﺍﺯﺍﻯ ﺟﺮﻭﺣﻰ ...
ﻭﺍﻧﺎ ﻋﺎﺭﻑ ﻟﻤﺎ ﺗﻤﺸﻰ ..... ﻫﺘﺮﺟﻌﻴﻠﻰ
ﻫﻤﺎ ﻳﺪﻭﺏ ﻳﻮﻣﻴﻦ .. ﺍﺳﺒﻮﻋﻴﻦ ..
ﻭﻫﺘﺮﺟﻌﻰ ﺗﻘﻮﻟﻰ ﺳﺎﻣﺤﻨﻰ ..
ﺍﻧﺎ ﺑﺮﺿﺔ ﻣﺶ ﺑﻬﻮﻥ ﻋﻠﻴﻜﻰ ..
ﻭﻟﻤﺎﺗﻴﺠﻰ ﻛﻠﻤﺘﻴﻦ ﻋﻠﻰ ﺩﻣﻌﺘﻴﻦ ...
ﻭﺗﺤﻀﻨﻴﻨﻰ ﺑﺮﻣﻮﺵ ﻋﻨﻴﻜﻰ ...
ﻭﺍﻧﺎ ﻣﺶ ﻫﺘﻜﻠﻢ ﻓﻰ ﺍﻟﻰ ﻓﺎﺕ ...
ﻭﻻ ﺣﺘﻰ ﻛﻠﻤﺔ ﻋﺘﺎﺏ ...
ﺍﺻﻠﻚ ﻣﺎﺗﻬﻮﻧﻴﺶ ﻋﻠﻴﺎ ...
ﻭﺍﻧﺎ ﻣﺎﺑﻬﻮﻧﺶ ﻋﻠﻴﻜﻰ