زائر زائر
| موضوع: أنا ونفسي بقلم الأستاذ : محمد محمد الشاعر // مجلة نجوم الأدب والشعر السبت نوفمبر 14, 2015 1:29 am | |
| أنا ونفسي ----- بنتعارك لحد ما نبقى مانساويش وانا واقف وهيه واقفه قدامي مصارعه دايره مابينَّا أهادنها مابتهادن أبهدلها تبهدلني وأهرب منها تمسكني أحاول إني امشِّيها ما تنصاعليش على دا الحال سنين وايام أنا ونفسي بناكل بعض سعات ارفعها ترفعني سعات ننزل لسابع أرض ومش بالساهل اساهل وساعتها نبادل بعضنا التلطيش صراع داير مابيني وبينها طول الوقت ونستدعي اللي فات ييجي ونتشاءم من اللي جي نيله--وزفت لويجينا أو ما يجيش تضيع اللحظه من إيدنا في قولنا وقال وكان ممكن نكون أحسن كأن الوقت لعب عيال في إيدها الطوب ما بتهيفش لانا غالب وهيه زيي ما بتغلبش ومفروض ان انا والنفس نتراضىَ بلقمة عيش وراحة بال لانا ألومها ولو لامت أقول يانفسي ماتلومنيش لانا اعاركك وعاهديني ماتتعاركيش ---------- محمد محمد الشاعر |
|