ﻳﺎ ﺯﻫﺮ ﺩﺍﻳﻤﺎ ﺗﻼﻋﺒﻨﻰ ﻭﺍﻟﺤﻆ ﺩﺍﻳﻤﺎ ﻣﻌﺎﻧﺪﻧﻰ
ﻓﻰ ﺍﻟﻄﺎﻭﻟﺔ ﺗﺰﻧﻘﻨﻰ ﻓﻰ ﺍﻟﻴﻚ ﻭﺍﺧﺴﺮ ﺑﺴﺮﻋﺔ ﻭﺑﺪﻭﻥ ﺷﻚ
ﻭﻓﻰ ﺍﻟﺪﻭﻣﻨﺔ ﺗﻘﻔﻠﻨﻰ ﻋﻠﻰ ﻃﻮﻝ ﻭﺣﻴﺎﺗﻰ ﺗﻔﻀﻞ ﻛﺸﺮﻯ ﻭﻓﻮﻝ
ﻭﺍﻟﻌﺐ ﻓﻰ ﺳﻠﻢ ﻣﻊ ﺗﻌﺒﺎﻥ ﻭﺍﻧﺰﻝ ﺑﺴﺮﻋﺔ ﻣﻊ ﺍﻟﺘﻮﻫﺎﻥ
ﻭﺃﻗﻮﻝ ﺍﺟﺮﺏ ﺑﻨﻚ ﺍﻟﺤﻆ ﺃﺑﻴﻊ ﻭﺍﺧﺴﺮ ﻛﻞ ﺍﻟﺤﻆ
ﺍﻣﺘﻰ ﻳﺎﺯﻫﺮ ﺭﺍﺡ ﺗﻌﻤﻠﻬﺎ ﻭﺍﺻﺤﻰ ﻭﺃﻟﻘﻰ ﺣﻴﺎﺓ ﻏﻴﺮﻫﺎ
ﻭﺍﻟﺒﻠﻴﺔ ﺗﻠﻌﺐ ﺑﻘﻰ ﻳﺎ ﺟﻤﻴﻞ ﻭﻓﻠﻮﺱ ﺗﻐﺮﻕ ﻭﺍﺩﻯ ﺍﻟﻨﻴﻞ
ﻭﺃﻛﻞ ﻓﻰ ﺑﻴﺘﺰﺍ ﻭﻛﻨﺘﺎﻛﻰ ﻭﻧﺠﻤﻰ ﺩﻩ ﻳﻠﻤﻊ ﻓﻰ ﺳﻤﺎﻛﻰ
ﻭﺃﺟﻴﺐ ﻓﻰ ﺷﻘﺔ ﻭﻋﺮﺑﻴﺔ ﻭﺍﺑﻄﻞ ﺃﻛﻞ ﻃﻌﻤﻴﺔ
ﻭﺍﻃﻠﻊ ﺃﺻﻴﻒ ﻛﺪﻩ ﻓﻰ ﺑﻠﻄﻴﻢ ﻭﺍﻋﻮﻡ ﻓﻰ ﺑﺤﺮ ﻛﺒﻴﺮ ﻭﻋﻈﻴﻢ
ﻭﺍﻟﺒﺲ ﻓﻰ ﺑﺪﻟﺔ ﻋﻠﻰ ﻣﻘﺎﺳﻰ ﻭﻳﻘﻮﻟﻮﺍ ﻋﻨﻰ ﺩﺑﻠﻮﻣﺎﺳﻲ
ﻭﺗﺮﺿﻰ ﺩﻩ ﻋﻨﻰ ﻫﻨﻮﻣﺔ ﻭﻧﻌﻤﻞ ﻓﺮﺣﻨﺎ ﻓﻰ ﺑﻠﻜﻮﻧﺔ
ﻭﺍﺑﻘﻰ ﻓﺎﺳﺪ ﻛﺪﻩ ﻭﺳﻌﻴﺪ ﻭﺃﺟﻴﺐ ﻓﻰ ﻟﺤﻤﺔ ﻭﻟﺒﺲ ﺟﺪﻳﺪ
ﻭﻳﺮﺷﺤﻮﻧﻰ ﻓﻰ ﺑﺮﻟﻤﺎﻥ ﻭﺃﻛﻞ ﻣﺨﻠﻞ ﻓﻰ ﺑﺮﻃﻤﺎﻥ
ﻭﺍﺷﺮﺏ ﻓﻰ ﺷﻴﺸﺔ ﻭﺳﺠﺎﻳﺮ ﻭﺳﻴﺠﺎﺭ ﻓﻰ ﺃﻳﺪﻯ ﻭﺍﻧﺎ ﺳﺎﻳﺮ
ﻭﺃﻛﻞ ﻓﻰ ﻛﺒﺪﻩ ﻛﺪﻩ ﺩﻟﻴﻔﺮﻯ ﻭﺍﻟﻨﺎﺱ ﺗﺨﺒﻂ ﻭﺗﺠﻴﺐ ﻟﻰ
ﻟﻜﻦ ﻳﺎ ﺯﻫﺮ ﺍﻛﻴﺪ ﺧﺎﻳﻒ ﺍﻟﺼﺤﺔ ﻭﺍﻟﺒﺮﻛﺔ ﺗﻔﺎﺭﻕ
ﻭﻻ ﻳﺒﻘﻰ ﻋﻨﺪﻯ ﻳﻌﻨﻰ ﺇﻳﻤﺎﻥ ﻭﺭﺿﺎ ﻭﻗﻨﺎﻋﺔ ﻣﻦ ﺍﻟﺮﺣﻤﻦ
ﻻ ﻻ ﺑﻼﺵ ﺍﻧﺎ ﻣﺶ ﻋﺎﻳﺰ ﺩﻯ ﺍﻟﺼﺤﺔ ﻭﺍﻟﺒﺮﻛﺔ ﺟﻮﺍﻳﺰ
ﻟﻘﻤﺔ ﺑﺪﻗﺔ ﻭﺍﻧﺎ ﻣﺒﺴﻮﻁ ﺍﺣﺴﻦ ﻣﺎﺍﻛﻠﻬﺎ ﺑﺎﻯ ﻗﻴﻮﺩ
ﺑﺼﺤﺔ ﻣﻤﻜﻦ ﺍﻫﻀﻤﻬﺎ ﻭﺑﺪﻭﻧﻬﺎ ﺍﻋﻴﺎ ﻭﺍﺳﻴﺒﻬﺎ
ﻳﺎﻣﺎ ﻟﻘﻴﻨﺎ ﻣﻠﻴﻮﻧﻴﺮﺍﺕ ﻣﺮﺿﻰ ﻭﺣﺰﺍﻧﺎ ﻋﻠﻰ ﺍﻟﻠﻰ ﻓﺎﺕ
ﺭﺑﻚ ﺑﻴﺮﺯﻕ ﻛﺪﻩ ﻓﻰ ﻋﻼﻩ ﻭﺑﻨﺤﻤﺪﻩ ﻭﻧﺘﻤﻨﻰ ﺭﺿﺎﻩ
موضوع: ﺯﻫﺮ ﺍﻟﺤﻆ.. بقلم الشاعر المصري ياسر أشرف - مجلة نجوم الأدب والشعر 
الخميس نوفمبر 26, 2015 11:44 am
