ازرعي بايديكي وردة/ بقلم الشاعر المصري محمد البلاط

ازرعى بأديكى ورده
..........................

ازرعى بأيديكى ورده

وانسى انك النهرده

مجروحه من ناس كثير

ما انت طول عمرك شارده

للخاين وابن العويل

ازرعى ومتفكريش

زرع بزرته اصيله

صدقينى راح يعيش

وبكره ينتج ثمره ليكى

لو كثر حتى الحشيش

ازرعى يا ارض خصبه

يا اللى فاكرينك عزبه

ملك ناس وناس مفيش

ازرعى البذره الاصيله

وارويها بمايه كثيره

لما يتفتح الهويس

وانسى وسوسة الشيطان

اللى ليكى فى لحظه بان

وفهمك انك مفيش

كثير خيرك

واكله غيرك حتى طيرك راح مجاش

واللى محبوس فى قفصه واللى ضاع منك بلاش

ازرعى جددى عهدك طهرى من الحقد ارضك

واللى باعك واللى نافقك كلهم حبة اشاش

واوعدك بكره تشوفى ويشوف كل اللى عاش

الوعود كانت كثيره

ما هى كت قعدة حصيره

اتبعتى فيها ببلاش

ما انت طول عمرك شارده

للخاين ومعاى معانده

ازرعيلنا مره ورده

ازرعى ومتفكريش

زرع بزرته اصيله

صدقينى راح يعيش

بقلم محمد البلاط