امرأة نكدية ... بقلم عبد الهادي غزال // مجلة نجوم الأدب والشعر

امرأه نكديه
روحت البيت في يوم صافي
مفيش احمال علي كتافي
قولت ادلع مراتي بكلمه
كلمه تكون للهموم شافي
قولتلها سيبك من الطبيخ
والكنس وسبسبي القصه
لفت عليا وبصتلي حتة دين بصه
وطبعا لسانها ميتوصاش
رصتلي الكلام رصه
اعصابي سابت وجاتني
في معدتي غصه
وكأني تلميذ عامل غلطه في الحصه
حبيت اداري الخوف اللي باين علي عيوني
قولتها ياموزه ياقمر يامشحتفه حالي
ياساكنه القلب وياام لعيالي
يامهجة الروح ياللي شاغله بالي
عشانك بقيت حليم وبغني موالي
ردت وقالت ابعد عني دلوقتي منيش ناقصه
ياعرة الرجال يامصاصه مافيها غير مصه
ياملوخيه بدون طعم كلناها بدون طشه
ياديك برابر من غير عرف ومحبوس في العشه
خلاص جيبتولي المراره والطحال والفشه
سيبك من السهوكه وقوم خلص اتعشه
وخد كتاكيتك معاك وقوم بره واتمشه