مرار طافح ... بقلم لطيف نصيف // مجلة نجوم الأدب والشعر

مرارك يادنيا
زاد عليا وطفح
بتعذبينى ليه
انا عمرى بقى ما اتفتح
ولا اعترضت على حاجه
وبقضيها باى حاجه
انا بس اللى محتاجه
انك تعدلى ميزانك
تغيرى طعم المر
تعوضينى حرمانك
حرمتينى من كل حاجه
ليـــــــــــــــــــا
راحت لغيرى
وفضل المر ليا
حتى اغلى ما ليا
اخدتيـــــــه
بتحاسبينى على ايه
دا لو ذنبى جبل
كنتى غفرتيه
كرهتينى نفسى
مش طايق
اللى انا فيه
وجرحى منك
مش قادر اداريه
وصلتينى يادنيا
للانفجـــــــــار
والتفكير تاعبنى
والقلب قايد نار
والله خايف
اوصل للانتحار
العيشه فيكى
بقت مرار
ومرارك يادنيا
زاد عليا وطفح