مش كلام عادى
*************
اللى بكتبه
مش كلام عادى
دا كلام قلب
من الالم بيعانى
خلصت كل المعانى
والقلب لسه بيعانى
انا لما بكتب
بغيب عن الوجود
ببقى فى المكان
مش موجود
موجود الجسد
بس العقل مش موجود
ببقى سارح
فى الملكوت
خايف الالهام
منى يفوت
والالم كله
جبروت
بيجبر القلب
فيتالم
يصرخ
يبكى
زى الجمل
لما يزيد عليه الحمل
طب لما الجمل
من الالم بيبكى
يبقى انا مش هبكى
والله ببكى
انا وقلبى
والحظ تاعبنى
بياخد منى
ومابيعطيش
صيمنى
على الميه والعيش
هى الدنيا كدا
للمحتاج ماتديش
وانا محتاج الحب
علشان اعيش
ولما لقيته
نصيب مافيش
نصيب مافيش
حتى النصيب
معاندنى
ياخد منى
ولغيرى يعطى
احترت
فى القسمه والنصيب
طب لما القلب
يلاقى اغلى حبيب
ليــــــــــــــــــــــــــه
مايدهلهوش النصيب
طب كنت
سبته غريب
تايه فى الدنيا
عايش وحيد
ليه يانصيب
تدوق القلب الشهد
وبعدين تزقيه الخل
تنيمى فى الطل
وتقول ماتتنفضش
تحرمنى من حبيبتى
وتقول ماتتكلمش
وعلى النصيب
ماتعترضش
انا مش بعترض
ولا زعلان
من حكم القدر
بس البشر
مش سايبينى
فى حالى
صعبان عليهم
حالـــــــــى
بس اللى راح منى
غالـــــــــــى
علشان غالى
القلب بيعانى
من الالم والحرمان
وبكتب كلام
حزين
طب هجيب الفرح
من فين
الفرح والسعاده
منبعهم القلب
طب المنبع ناشف
يادوب عايش
عايش حلاوه روح
تعـــــــــــب
من كتر الجروح
وادينى عايش
بالجروح
لغايه
ماتطلع الروح
موضوع: مش كلام عادي.. بقلم الشاعر لطيف نصيف - مجلة نجوم الأدب والشعر 
الثلاثاء يناير 19, 2016 1:27 am
