الدموع خلصت
*************
الدموع خلصت
والعيون بتبكى
من كتر الألم
من غير دموع بتبكى
تعبها البكاء
والنظر خف
رحت للدكتور
علشان اكشف
قال الدكتور
كتر البكاء
جاب ميه بيضه
والله دنيا غريبه
كل حاجه ليا
سوده
ولما تبقى بيضه
تبقى بالمرض
تبقى بالمرض
ليه يادنيا
بتعاملينى
زى الغريب
حرمتينى
من القريب
والحبيب
وكل ما اطلب حاجه
تقولى ماليكش نصيب
طب ليه التعب
نصيبى
حرام عليكى
تعبتينى
خلصت دموع عينى
انتى عايزة تموتينى
طب موتينى وريحينى
ولا لسه
فى عذاب
قفلتى فى وشى
كل الابواب
كل الأبواب
حديد صب
طب ليه
باب العذاب
من حطب
يادوب اخبط
يتهد
بعد الأيام عد
مالقيتش ولا يوم
حظى فيه اتعدل
كل الايام
مقلوبة
بس الكلام عيبه
والسكوت
موته
بيموت
خايف من الكلام
وتعبان من السكوت
الألم فى القلب ساكن
والفرح يادوب يفوت
والعمر هيفوت
لاهنشوف فرح
ولا هيطيب الجرح