مش هلومك يازمن
***********
مش هلومك يازمن
ولا اعتب عليك
دى مش غلطتك
ولا دا
اول جرح ليك
ما انت ياما
جرحتنى
ومن اغلى الناس
فرقتنى
ونبهتنى
بانك
مش هتسيبلى
حبيب يقرب لى
وحلفت لى
بيمين عظيم
انك هتخلى
نهارى ليل
ودموعى
تنزل سيل
بس انا
نسيت
لما لقيت
حبيبتى
وحبتنى
ومن الارض
رفعتنى
خلتنى طير
فى السماء بغنى
وفى حضنها
ضمتنى
نستنى
عذاب السنين
ولما نسيت
العذاب
اتفتح
الباب
وطار قلبى
من حبسه
من خوفه
وضعفه
حس انه
عايش
واترسمت الضحكه
على الشفايف
وبقيت
مش خايف
من حاجه
علشان انا
ملكت كل حاجه
وضربت الكل
بعرض الحيطه
ما انا معايه
حبيبتى
واى حد تانى
مايلزمنيش
ومن غيرها
ما اقدرش اعيش
نسيت وعدك ليا
وانك ماخلتليش ريش
هو الطير يطير
من غير ريش
فرقتنى من حبيبتى
ونزلت على مافيش
وادينى عايش
عيشه الدراويش
لافارق معايه
ناس ولامكان
والعقل شارد
فى كل مكان
بتخبط تخبيط
اقوم من حفره
اخبط فى حيط
وادينى عايش
وغيرها
مش شايف
القلب اتحبس
وسجانه عنيد
حلف يمين
شموع الفرح مايقيد
الزمن تاعبنى
وقلبى معذبنى
على الاكل
صيمنى
اتكتب العذاب
عليـــا
علشان نسيت
وعد الزمان ليا
انه مش هيسيب
حبيب ليا
ودى غلطتى انا
فرحت بيومين
سعاده وهنا
ونسيت
جرحى
نسيت ان العذاب
صاحبى
اتعودت عليه
واتعود عليا
معلش يازمن
نسيت ان الفرح
مش ليا