ﻣﺒﺮﻭﻙ ﻳﺎ ﻭﻟﺪﻯ ﺍﻟﺠﻴﺶ ﻋﻠﻴﻚ
ﻣﺒﺮﻭﻙ ﻳﺎ ﻭﻟﺪﻯ ﺍﻟﺠﻴﺶ ﻋﻠﻴﻚ
ﺍﻟﺠﻴﺶ ﻳﺎ ﻭﺍﺩ ﻣﺼﻨﻊ ﺭﺟﺎﻝ
ﻋﻠﻰ ﻛﻞ ﺣﺎﻝ
ﺇﻥ ﻛﻨﺖ ﺭﺍﺟﻞ
ﺍﻛﻴﺪ ﻫﺘﺮﻓﻊ ﺭﺍﺱ ﺃﺑﻮﻙ
ﻭﺇﻥ ﻛﻨﺖ ﻭﺍﺩ
ﻫﻴﺮﺑﻮﺍ ﻫﻤﺎ ﺍﻟﻠﻰ ﺟﺎﺑﻮﻙ
ﺍﻟﺠﻴﺶ ﻏﻨﻰ
ﺇﻭﻋﺎﻙ ﺗﻘﻮﻝ ﺇﻧﻪ ﻓﻘﻴﺮ
ﻟﻮ ﻳﻮﻡ ﺗﺠﻮﻉ
ﻫﻴﺮﺑﻮﺍ ﻓﻴﻚ ﺍﻹﺣﺘﻤﺎﻝ
ﺣﺐ ﺍﻟﻮﻃﻦ
ﻣﺒﻴﺘﺎﻗﻠﺶ ﻳﺎ ﻭﺍﺩ ﺑﻤﺎﻝ
ﺧﻠﻴﻚ ﺷﺠﻴﻊ ﻟﻮ ﺣﺘﻰ
ﻧﻤﺖ ﻋﻠﻰ ﺍﻟﺮﻣﺎﻝ
ﺍﻟﺮﻣﻞ ﻓﻰ ﺳﻮﻕ ﺍﻟﻮﻃﻦ
ﻣﻌﻠﻮﻡ ﺩﻫﺐ
ﺩﺍﻓﻨﻴﻦ ﻓﻰ ﺃﺣﺸﺎﺋﻪ ﺍﻟﺠﺪﻭﺩ
ﻭﻗﻒ ﻳﺎ ﻭﻟﺪﻯ ﻉ ﺍﻟﺤﺪﻭﺩ
ﻭﻣﻌﺎﻙ ﺳﻼﺣﻚ ﻭﺃﺣﺮﺳﻮﻩ
ﻟﻮ ﺷﻘﻮﺍ ﺑﻄﻨﻚ ﺣﺘﺘﻴﻦ
ﺇﻭﻋﻰ ﺍﻟﻜﻼﺏ ﻟﻴﺪﻧﺴﻮﻩ
ﻭﻃﻨﻚ ﻋﻈﻴﻢ
ﺧﻠﻴﻚ ﻋﻈﻴﻢ ﺯﻯ ﺍﻟﻮﻃﻦ
ﺍﻭﻋﺎﻙ ﻳﺼﻴﺒﻚ ﻳﻮﻡ ﻋﻄﻦ
ﻭﺗﺤﺐ ﺳﻴﻦ ,, ﻭﺗﺤﺐ ﺻﺎﺩ
ﺣﺐ ﺍﻟﻮﻃﻦ
ﻣﻬﻤﺎ ﻳﻜﻮﻥ ﺷﻜﻞ ﺍﻟﺤﺼﺎﺩ
ﻭﺇﻭﻋﻰ ﻓﻰ ﻳﻮﻡ ﻳﺎ ﺑﻨﻰ ﺗﺨﺎﻃﺮ
ﻋﺎﻭﺯﻙ ﺟﺪﻉ ﺯﻯ ( ﺍﺑﻦ ﺧﺎﻃﺮ )
ﺻﻮﺭﺗﻚ ﻫﺘﺤﻔﻈﻬﺎ ﺍﻟﻘﻠﻮﺏ
ﺳﻴﺮﺗﻚ ﻫﺘﺨﻼ ﻣﻦ ﺍﻟﻌﻴﻮﺏ
ﻛﻞ ﺍﻟﺮﺟﺎﻝ ﺑﺘﻤﻮﺕ ﻳﺎ ﻭﻟﺪﻯ
ﻭﻛﺘﻴﺮ ﺑﻤﻮﺗﻬﻢ ﻳﺘﻨﺴﻮﺍ
ﺑﺎﻗﻰ ﺍﻟﻮﻃﻦ
ﻋﺎﻳﺶ ﻋﻠﻰ ﻣﺮ ﺍﻟﺘﺎﺭﻳﺦ
ﺑﺄﻳﺪﻳﻦ ﻋﻴﺎﻟﻪ ﺍﻟﻤﺨﻠﺼﻴﻦ
ﻟﻮ ﺣﻜﻤﻪ ﺻﺎﺩ
ﺍﻭ ﺣﺘﻰ ﻟﻮ
ﻛﺎﻥ ﺣﺎﻛﻤﻪ ﺳﻴﻦ
ﻭﺇﺭﺟﻌﻠﻰ ﺭﺍﻓﻊ
ﺭﺍﺳﻚ ﻣﻦ ﻫﻨﺎﻙ
ﻭﺇﺭﻓﻌﻠﻰ
ﺭﺍﺳﻰ ﻛﻤﺎﻥ ﻫﻨﺎ
ﻭﺇﻥ ﺟﺎﻙ ﻋﺪﻭ
ﺇﻭﻋﺎﻙ ﺗﻔﺮ
ﻋﻠﻰ ﺟﺜﺘﻚ ﻟﻮ
ﻛﺎﻥ ﻳﻤﺮ
ﺇﻭﻋﺎﻙ ﻓﻰ ﻳﻮﻡ ﺗﺮﻓﻊ ﺍﻳﺪﻙ
ﺃﻭ ﺗﻤﺸﻰ ﻣﻜﺴﻮﺭﺓ ﻋﻴﻨﻴﻚ
ﺃﻣﻚ ﻭﺑﺘﺴﻠﻢ ﻋﻠﻴﻚ
ﻭﺑﺎﻋﺘﺔ ﺑﺪﻣﻮﻋﻬﺎ ﺍﻟﺮﺳﺎﻟﻪ
ﻳﺎ ﺗﺠﻴﻨﻰ ﺭﺍﺟﻞ ﻣﻦ ﻫﻨﺎﻙ
ﻳﺎ ﺗﺠﻴﻨﻰ ﻣﻠﻔﻮﻑ ﻓﻰ ﺍﻟﻌﻠﻢ