ﺿﺎﻉ ﻣﻨُّﻪْ ﺃﻣﺎﻧﻪ
ﻭﺍﺣﺸﺎﻧﻲ ﺍﻟﻜﻠﻤﺔ ﺍﻟﻄﺎﺯﺓ ﻭﺍﻧﺘﻲ ﺑﺘﺪﻋﻴﻠﻲ
ﻭﺍﺣﺸﺎﻧﻲ ﺍﻟﺒﺴﻤﺔ
ﻟﻤَّﺎ ﺗﻄﺒﻘﻲ ﻣﻨﺪﻳﻠﻲ
ﻭﻑ ﻋﺮﻕ ﺍﻟﻌﺎﻓﻴﺔ ﺗﺪﻭِّﺏ ﻛﻞ ﺧﻴﻄﺎﻧﻪ
ﻭﺍﺣﺸﺎﻧﻲ ﺍﻟﻠﻤَّﺔ ﺣﻮﺍﻟﻴﻜﻲ
ﻭﺍﻟﺒﻴﺖ ﺑﺘﺰﻏﺮﻁ ﺟﺪﺭﺍﻧﻪ
ﻭﻭﺍﺣﺸﻨﻲ ﺍﻷﻛﻞ ﺍﻟﻤﺘﻠﻬﻠﺐ
ﻣﻦ ﺻﻨﻊ ﺇﻳﺪﻳﻜﻲ
ﻭﺑﺮﺍﻡ ﺍﻟﺮﺯ ﺍﻟﻤﺘﻌﻤﺮ ﻭﺍﻟﻤﺤﺸﻲ ﺣﻤﺎﻡ
ﻭﻣﺸﻠﺘﺖ ﻓﻲ ﺍﻟﻔﺮﻥ ﻳﻔﺤﻔﺢ
ﻭﻛﺎﻧﻮﻧﻚ ﻣﺎ ﻳﻄﻴﺮ ﺩﺧَّﺎﻧﻪ
ﺍﻟﺒﻴﺖ ﻣﻦ ﻏﻴﺮﻙ ﻭﺍﻟﻠﻪ
ﺿﺎﻉ ﻣﻨُّﻪ ﺃﻣﺎﻧﻪ
ﻭﺍﺣﺸﺎﻧﻲ ﻳﺎ ﺃﻣِّﻲ ﻭﻣﺶ ﻋﺎﺭﻑ
ﻋﻠﻰ ﺃﻳﻪ ﻫﺤﻜﻴﻠﻚ
ﻭﺍﺣﺸﺎﻧﻲ ﺍﻟﻠﻤﺴﺔ ﻣﻦ ﺇﻳﺪﻙ
ﻭﺍﻧﺘﻲ ﺑﺘﺮﻗﻴﻨﻲ
ﻣﻦ ﻋﻴﻦ ﺍﻟﺤﺎﺳﺪ ﻭﺍﻟﺤﺎﻗﺪ
ﻭﻋﻨﻴﻪ ﺍﻟﺼﻔﺮﺍ ﺍﻟﺘﻼﻭﻳﻨﻲ
ﻭﺗﺤﻄﻲ ﺳﻴﺎﺟﻲ ﺑﺪﻋﺎﻛﻲ
ﻭﺗﺨﺘﻤﻲ ﻗﺮﺁﻧﻪ
ﺍﻟﺒﻴﺖ ﻣﻦ ﻏﻴﺮﻙ ﻭﺍﻟﻠﻪ
ﺿﺎﻉ ﻣﻨُّﻪ ﺃﻣﺎﻧﻪ
ﻭﺍﺣﺸﺎﻧﻲ ﻳﺎ ﺃﻣﻲ ﻭﻑ ﻋﻴﺪﻙ
ﺑﺒﻌﺖ ﺳﻼﻣﺎﺕ
ﻭﺍﻟﺸﻮﻕ ﻟﻠﻘﺎﻛﻲ ﺧﻼﻧﻲ
ﺿﻤﻦ ﺍﻷﻣﻮﺍﺕ
ﻭﻣﺼﺒَّﺮ ﻗﻠﺒﻲ ﻟﻔﺮﺍﻗﻚ
ﺑﻌﺾ ﺍﻟﺪﻋﻮﺍﺕ
ﺑﺬﻛﺮﻫﺎ ﺗﻤﻠِّﻲ ﻑ ﺻﻠﻮﺍﺗﻲ
ﻭﺍﺑﻌﺖ ﺭﺣﻤﺎﺕ
ﻳﺠﻤﻌﻨﻲ ﺇﻟﻬﻲ ﻭﻳَّﺎﻛﻲ
ﻑ ﺃﺣﻠﻰ ﺍﻟﺠﻨَّﺎﺕ
ﻭﺍﻟﻨﺺ ﺑﻴﻬﺮﺏ ﻣﻦ ﺍﻳﺪﻱ
ﻭﺍﺧﺘﻞ ﻣﻴﺰﺍﻧﻪ
ﺍﻟﺒﻴﺖ ﻣﻦ ﻏﻴﺮﻙ ﻭﺍﻟﻠﻪ
ﺿﺎﻉ ﻣﻨُّﻪ ﺃﻣﺎﻧﻪ