المركز الثاني مجال شعر العامية بمسابقة مجلة نجوم الأدب والشعر دورة مارس 2016 قصيدة حد فيكو 61.5 درجة للشاعر عدنان عبد المحسن/ مصر

قصيدة(حد فيكوا)
حد فيكوا يعرف أمى
أمى بدر ف ليل تمامه
حد فيكوا أشاركه همى
يسمع العالم كلامه
أمى لما تضحك أضحك
أمى للعالم علامه
أمى لما تبكى أبكى
أمى للفرح إبتسامه
أمى فرحه تملا دنيا
أمى للسعد إنسجامه
أمى شمعه أمى ضله
أمى للمظلوم حسامه
أمى ورده أمى فله
ربى ريح المسك دامه
فى المواقف تبقى هاديه
هى للسلام حمامه
فى المسائل هى راضيه
هى للمكروب سلامه
طله منها عيشه ناديه
والخضار يرجع مكانه
أمى لو يرجع زمانها
أدعى ربى ثبوت زمانه