ﺃﻧﺎ ﺧﺎﻳﻔﻪ ﻋﻠﻴﻚ
ﻣﻦ ﺃﺣﺰﺍﻧﻰ
ﺧﺎﻳﻔﻪ ﺗﻀﻴﻊ ﻓﻰ ﻋﻨﻴﻚ ﺃﻭﻃﺎﻧﻰ
ﻭ ﺗﺒﺮﺑﺶ ﻗﺒﻞ ﻣﺎ ﺗﻠﻤﺤﻨﻰ
ﺷﺠﺮﻩ ﻭ ﺿﻼﻳﻪ ﻭ ﻧﻮﺭ ﺗﺎﻧﻰ
ﺧﺎﻳﻔﻪ ﺍﻟﻤﻮﺍﻭﻳﻞ ﺗﻨﺴﻰ ﻏﻨﺎﻧﺎ
ﻣﻦ ﻛﺘﺮ ﺍﻷﺣﻼﻡ ﻣﺎ ﻫﻰ ﺻﻌﺒﻪ
ﻭ ﻫﻮﻳﺘﻨﺎ ﺗﻀﻴﻊ ﻓﻰ ﺍﻟﻐﺮﺑﻪ
ﺑﻴﻦ ﻋﺸﻘﻰ ﻭ ﻋﺸﻘﻚ ﻭﺟﺪﺍﻧﻰ
ﺧﺒﻴﻨﻰ ﻓﻰ ﺩﺭﺍﻋﺎﺗﻚ ﺟﺎﻳﺰ
ﻳﺴﺘﻘﻮﻯ ﺍﻟﺤﻠﻢ ﻋﻠﻰ ﻛﺎﺑﻮﺳﻪ
ﺧﺒﻴﻨﻰ ﻓﻰ ﻗﻠﺒﻚ ﻭ ﻫﺄﺑﻮﺳﻪ
ﻭ ﺇﺫﺍ ﺳﻜﺖ ﺍﻟﻠﺤﻦ ﺇﺗﻐﻨﺎﻧﻰ
ﺩﻭﺭ ﺟﻮﺍﻳﺎ ﻋﻠﻰ ﻣﺮﺍﻳﺘﻚ
ﻭ ﺍﻟﻀﻠﻪ ﺍﻟﻠﻰ ﺗﺴﺎﻉ ﺣﻜﺎﻭﻳﻨﺎ
ﺩﻭﺭ ﻣﻤﻜﻦ ﺗﻘﺪﺭ ﻓﻴﻨﺎ
ﺗﻌﻤﻞ ﻣﻦ ﻣﺮﻛﺐ ﻣﺠﺪﺍﻓﻪ
ﺑﻴﻌﺎﻓﺮ ﻳﻔﻀﻞ ﻓﻰ ﺍﻟﻤﻴﻪ
ﻣﻬﺮ ﻳﻐﺎﺯﻝ ﻗﻠﺐ ﺻﺒﻴﻪ
ﻭ ﻳﻜﺒﺮ ﻟﻠﻤﻮﻟﻰ ﻋﺸﺎﻧﻰ
ﻣﺶ ﻣﻤﻜﻦ ﻫﺘﻀﻴﻊ ﻓﻰ ﺩﺭﻭﺑﻚ
ﺳﻜﺔ ﻋﺸﻖ ﻭ ﺗﺮﺍﻧﻴﻢ ﻭﺭﺩﻯ
ﻫﺘﻀﻴﻊ ﻟﻮ ﻋﻨﺪﻙ ﻣﻊ ﻋﻨﺪﻯ
ﺿﻌﻔﻮﺍ ﻑ ﺻﻼﻭﺍﺗﻬﻢ ﻓﻰ ﺯﻣﺎﻧﻰ
ﺑﻴﻨﻨﺎ ﺣﻜﺎﻳﺔ ﻋﺸﻖ ﻓﺮﻳﺪﻩ
ﻣﻤﺘﺪﻩ ﻟﺒﻌﺪ ﺣﻴﺎﺗﻨﺎ ﺣﻴﺎﻩ
ﻋﻤﺮ ﻃﻤﻮﺣﻰ ﻣﺎ ﻛﺎﻥ ﺃﻋﻴﺶ ﺟﻨﺒﻚ
ﻭ ﺗﻤﻮﺕ ﻓﻴﺎ ﻭ ﺗﻐﺰﻟﻨﻰ ﺻﻼﻩ
ﻃﻤﻮﺣﺎﺗﻨﺎ ﺍﻟﺨﻠﺪ ﻓﻰ ﺟﻨﺎﺗﻪ
ﻭ ﺍﻟﻤﻮﻟﻰ ﻋﻠﻰ ﺍﻟﺘﺤﻘﻴﻖ ﻗﺎﺩﺭ
ﻳﺤﺸﺮﻧﺎ ﻓﻰ ﺟﻨﻪ ﺇﺫﺍ ﺩﻧﻴﺘﻨﺎ
ﻣﺎ ﺳﺎﻋﺘﺶ ﺍﻟﺤﺐ ﻓﻰ ﻭﺟﺪﺍﻧﻰ
ﺧﺒﻴﻨﻰ ﻭ ﻛﻤﻞ ﺟﻮﺍﻳﺎ
ﺣﻠﻤﻰ ﺍﻟﻤﺘﻜﺴﺮ ﺩﻋﻮﺍﺗﻚ
ﻭ ﺇﺯﺭﻋﻨﻰ ﻓﻰ ﺃﺭﺿﻚ ﺗﺮﻧﻴﻤﻪ
ﺗﻄﺮﺡ ﻋﺸﻖ ﺟﺪﻳﺪ ﻳﻬﻮﺍﻧﻰ
موضوع: ﺃﻧﺎ ﺧﺎﻳﻔﻪ ﻋﻠﻴﻚ... بقلم الشاعر المصري هاني آدم -مجلة نجوم الأدب والشعر 
السبت سبتمبر 26, 2015 5:56 am
