ﻟﻴﻠﺔ ﻗﺪﺭ..بقلم الكاتبة اللبنانية وفاء أحمد بزي _ مجلة نجوم الأدب والشعر

ﺗﺤﻜﻮﻣﻨﺎ ﺣﻮﻝ ﺟﺪﺗﻲ ﺗﺤﻜﻲ ﻟﻨﺎ ﺣﻜﺎﻳﺎﻫﺎ ﺍﻟﺠﻤﻴﻠﺔ ... ﻭ ﻛﻨﺖ ﺍﺣﺒﻬﺎ ﺍﻛﺜﺮ ﻣﻦ ﺍﻱ ﺷﻲﺀ ﻓﻲ ﺍﻟﺪﻧﻴﺎ
...... ﻛﻨﺖ ﺍﻧﻈﺮ ﺍﻟﻰ ﻭﺟﻬﻬﺎ ﺍﻻﺳﻤﺮ ﺍﻟﺠﻤﻴﻞ ﻭ ﻗﺪ ﻋﻠﺘﻪ ﺍﻟﺘﺠﺎﻋﻴﺪ ..... ﻣﺒﻬﻮﺭﺓ ﺑﺘﻠﻚ ﺍﻟﻮﺷﻤﺔ ﺍﻟﺰﺭﻗﺎﺀ
ﺍﻟﺘﻲ ﺯﻳﻨﺖ ﺫﻗﻨﻬﺎ ...
" ﺑﺪﻱ ﺍﺣﻜﻲ ﻟﻚ ﻋﻦ ﺷﻜﻲ ﻋﻦ ﺑﻜﻲ ﻋﻦ ﺩﺑﺲ ﺍﻟﺒﻌﻠﺒﻜﻲ ..... ﻋﻦ ﺳﺘﻲ ﺍﻡ ﺳﻠﻴﻤﺎﻥ .... ﻛﺎﻥ ﻓﻲ
ﻗﺪﻳﻢ ﺍﻟﺰﻣﺎﻥ ... ﻛﺎﻥ ﻓﻲ ﺭﺟﻞ ﺑﺴﻴﻂ ﻣﺆﻣﻦ ﺍﺳﻤﻪ ﻋﺒﺪ ﺍﻟﻬﺎﺩﻱ ... ﻭ ﻛﺎﻥ ﺑﻴﻌﻴﺶ ﺑﺠﺒﻞ ﻋﺎﻣﻞ ....
ﻭ ﻓﻲ ﻳﻮﻡ ﻣﻦ ﺍﻳﺎﻡ ﺷﻬﺮ ﺭﻣﻀﺎﻥ ... ﻗﺎﻟﻮﺍ ﻟﺮﻓﻴﻘﻪ ... ﺗﺮﻭﺡ ﺟﻤﻴﻞ ﻟﻨﺮﻭﺡ ﻋﻠﻰ ﺍﻟﺠﺎﻣﻊ .... ﻭ
ﻣﺸﻴﻮﺍ ... ﻭﺻﻠﻮﺍ ﻭ ﺟﻠﺴﻮﺍ ﻋﻠﻰ ﺍﻟﺤﺼﻴﺮﺓ ﺍﻟﻘﺶ ... ﻭ ﺻﺎﺭ ﺍﻟﺸﻴﺦ ﻳﺤﻜﻲ ﻟﻠﻨﺎﺱ ﻋﻦ ﻟﻴﻠﺔ ﺍﻟﻘﺪﺭ ﻭ
ﺍﻋﻤﺎﻝ ﻟﻴﻠﺔ ﺍﻟﻘﺪﺭ ..... ﻭ ﺍﻟﻨﺎﺱ ﻛﺎﻧﻮﺍ ﻣﻔﺘﻮﻧﻴﻦ ﺑﺎﻟﺸﻴﺦ ﻭ ﺑﻜﻼﻣﻮﺍ ....ﻭ ﻋﺒﺪ ﺍﻟﻬﺎﺩﻱ ﻛﺎﻥ ﺍﻛﺜﺮ
ﺍﻟﻤﺴﺤﻮﺭﻳﻦ ﺑﻜﻠﻤﺎﺕ ﺍﻟﺸﻴﺦ ﻭ ﺻﺎﺭ ﻳﺤﻠﻢ ﺍﻧﻮﺍ ﻳﺸﻮﻓﻬﺎ ..... ﻭ ﻗﺎﻟﻮﺍ ﻟﺮﻓﻴﻘﻪ ﺟﻤﻴﻞ ﻫﻨﻲ ﻭ ﺭﺍﺟﻌﻴﻦ
... " ﺟﻤﻴﻞ ﺍﻧﺎ ﺭﺍﺡ ﺍﺣﻴﻲ ﻟﻴﻠﺔ ﺍﻟﻘﺪﺭ ... ﻭ ﺭﺡ ﻇﻞ ﺳﻬﺮﺍﻥ ﻟﺸﻮﻓﻬﺎ ﻭ ﺑﺲ ﺷﻮﻓﻪ . ﺍ ... ﺭﺡ ﺍﻃﻠﺐ
ﻣﻦ ﺭﺑﻲ ﻳﺮﺯﻗﻨﻲ ﺍﻧﺎ ﻭﻭﻻﺩﻱ ﻣﺎﻝ ﻛﺜﻴﺮ "....
ﺭﺩ ﺭﻓﻴﻘﻪ ﺟﻤﻴﻞ " ﻋﺒﺪ ﺍﻟﻬﺎﺩﻱ ﺧﻠﻲ ﻋﻘﻠﻚ ﻛﺒﻴﺮ ... ﻧﺤﻦ ﻧﺎﺱ ﻋﺎﺩﻳﻴﻦ ... ﻣﺎ ﺑﻨﻘﺪﺭ ﻧﺸﻮﻓﻬﺎ "
ﻋﺒﺪ ﺍﻟﻬﺎﺩﻱ ﺗﺤﺪﻯ ﺟﻤﻴﻞ ﻭ ﻛﻞ ﺻﺤﺎﺑﻮ ﻭ ﻗﺮﺍﻳﺒﻮ " ﻗﺎﻟﻬﻢ ﺍﻟﻠﻪ ﺑﻴﺴﺘﺠﻴﺐ ﻟﻠﻨﺎﺱ ﻓﻲ ﺩﻋﺎﻫﻢ "
ﺭﺩﻭﺍ ﻗﺎﻟﻮﻟﻮ " ﻧﺤﻦ ﻋﻨﺎ ﺧﻄﺎﻳﺎ ﻛﺜﻴﺮ ... ﻭ ﻟﻴﻠﺔ ﺍﻟﻘﺪﺭ ﻣﺎ ﺑﺘﻜﺘﺸﻒ ... ﻋﻠﻴﻨﺎ "
ﻋﺒﺪ ﺍﻟﻬﺎﺩﻱ ﻣﺎ ﺭﺩ ﻋﻠﻨﺎﺱ ﻭ ﺣﻤﻞ ﻣﻌﻪ ﻗﻨﻴﻨﺔ ﻣﺎﺀ ﻭ ﻛﺘﺎﺏ ﺩﻋﺎﺀ ﻭ ﻗﺮﺃﻥ ﻛﺮﻳﻢ ......ﻭ ﻭﻭﺻﻞ ﻋﻠﻰ
ﺍﻟﺴﻄﺢ ﺟﻠﺲ ﺟﻠﺴﺔ ﺍﻟﻌﺒﺪ ﺍﻟﺒﺴﻴﻂ ﺍﻣﺎﻡ ﺳﻴﺪﻩ ... ﻛﺎﻥ ﻗﺒﺎﻟﻪ ﺍﻟﻘﻤﺮ ..... ﻭ ﺍﻟﺴﻤﺎ ﺍﻟﺴﻮﺩﺍ ... , ﻭ
ﻧﺠﻮﻡ ﻛﺜﻴﺮ ...ﺭﻛﻊ ﻛﺜﻴﺮ ﻭ ﺻﻠﻰ ﺍﻛﺜﺮ ... ﺳﺒﺢ ﺭﺑﻪ ... ﻭ ﺣﻤﺪﻩ ﻛﺜﻴﺮ ... ﻭ ﻧﺎﻣﺖ ﻛﻞ ﺍﻟﻨﺎﺱ ﺑﺒﻠﺪﺗﻪ
.....ﻭ ﺳﺎﻋﺔ ﻭﺭﺍ ﺳﺎﻋﺔ ﻣﺮﺕ ... ﻣﺎ ﺯﻫﻖ ﻣﻦ ﺍﻟﺼﻼﺓ .. ﻭ ﺣﺘﻰ ﺳﻤﻌﺖ ﺻﻼﺗﻪ ﻛﻞ ﻛﺎﺋﻨﺎﺕ ﺍﻻﺭﺽ
...ﺟﻨﺪﺏ ﺍﻟﻠﻴﻞ ... ﻛﺎﻥ ﺑﻴﻨﺎﺟﻲ ... ﻭﺿﻔﺪﻉ ﺍﻟﺴﺎﻗﻴﺔ ﻛﺎﻥ ﺑﻴﺤﻜﻲ ﻭ ﻳﻼﻏﻲ .... ﻭ ﻗﺮﻣﺶ ﺍﻟﺠﺒﻞ
ﻛﺎﻥ ﺑﻴﻨﻂ ﻣﻦ ﺍﻟﺴﻄﺢ ﻋﻠﻰ ﺍﻟﺴﻄﺢ ﻟﺠﻨﺒﻮﺍ ..... ﻛﻞ ﻫﻠﻤﺨﻠﻮﻗﺎﺕ ﻛﺎﻧﻮﺍ ﺳﻬﺮﺍﻧﻴﻦ ﻭ ﺷﺎﻫﺪﻳﻦ
.... ﻏﺎﻟﺐ ﻋﻴﻨﻪ ﻭ ﻣﺎ ﻏﻤﻀﻬﺎ ...ﻏﺎﻟﺐ ﺍﻳﺪﺍﻩ ﻭ ﺭﺟﻠﻴﻪ ﻭ ﺻﻠﻰ ﻭﺻﻠﻰ ..... ﻻ ﻛﻞ ﻭ ﻻ ﺗﻌﺐ ... ﺿﻞ
ﻳﺪﻋﻲ ﻭ ﻳﺪﻋﻲ ... ﻭ ﺳﺎﻋﺔ ﻭﺭﺍ ﺳﺎﻋﺔ ... ﻣﺎ ﺯﻫﻖ ﻣﻦ ﻣﻨﺠﺎﺗﻮ ﻟﺮﺑﻮﺍ ﻭ ﺷﻜﺮﻭﺍ ﻋﻠﻰ ﻧﻌﻤﺘﻮﺍ
. ﻛﺜﻴﺮ ... ﻋﺎﻧﺪ ﻧﻔﺴﻮﺍ ﻭ ﻣﺎ ﻧﺎﻡ ﻭ ﻻ ﻏﻤﺾ ﺟﻔﻨﻮﺍ ... ﺑﺲ ﺑﺎﻟﻨﻬﺎﻳﺔ ﻗﺪ ﺷﻮ ﺭﺡ ﻳﻘﺪﺭ ﻳﻘﺎﻭﻡ ﺍﻟﻨﻮﻡ ﻭ
ﺳﻠﻄﺎﻧﻮﺍ ... ﺳﻬﻴﺖ ﻋﻴﻨﻪ ..... ﻭ ﻓﺎﻕ ﻓﺠﺄﺓ ﻭ ﻋﻢ ﻳﻘﻮﻝ ﻟﺤﺎﻟﻪ ... ﺍﻧﺎ ﻻﺯﻡ ﺍﺻﻠﻲ ﻭ ﺍﺩﻋﻲ ... ﻭ
ﻃﻠﻊ ﺑﺎﻟﺴﻤﺎ ﻭ ﺷﻮ ﺷﺎﻑ ... ﻣﻨﻮﺭﺓ ﻛﺎﻧﺖ ﺍﻟﺪﻧﻴﺎ ....ﻭ ﺍﻟﻨﺠﻮﻡ ﻛﺎﻧﺖ ﺳﺎﺟﺪﺓ ,... ﻭ ﺍﻟﺸﺠﺮ ﻛﻤﺎﻥ ﻛﺎﻥ
ﺳﺎﺟﺪ ... ﻃﻠﻊ ﺑﺒﻴﺖ ﺟﺎﺭﻩ ﺟﻤﻴﻞ ﻛﺎﻥ ﺳﺎﺟﺪ ... ﺑﻴﺖ ﻧﺠﻴﺐ ﻛﻤﺎﻥ ﻛﺎﻥ ﺳﺎﺟﺪ .... ﻛﻞ ﺑﻴﻮﺕ ﺍﻟﺒﻠﺪﺓ
ﻛﺎﻧﺖ ﺳﺎﺟﺪﺓ ﻟﺨﺎﻟﻘﻬﺎ ....ﻭ ﺑﻬﺎ ﺍﻟﻠﺤﻈﺔ ﻫﻮ ﺷﻮ ﻋﻤﻞ .... ﺗﻤﻮ ﻣﺎ ﻋﺮﻑ ﻳﻘﻮﻝ ﺍﻻ ﻛﻠﻤﺔ ﻭﺍﺣﺪﺓ
ﺳﺒﺤﺎﻥ ﺍﻟﻠﻪ ....... ﺳﺒﺤﺎﻥ ﺍﻟﻠﻪ .... ﻭﻇﻞ ﻳﻘﻮﻝ ﺳﺒﺤﺎﻥ ﺍﻟﻠﻪ ... ﻟﺮﺟﻊ ﻧﺎﻡ ... ﻭ ﺍﻟﺼﺒﺢ ﺣﻜﻰ
ﻟﻠﻨﺎﺱ .... ﻗﺎﻟﻬﻢ ﺍﻧﻮ ﻟﺒﻴﺸﻮﻑ ﻟﻴﻠﺔ ﺍﻟﻘﺪﺭ ﻣﺎ ﺑﻌﻮﺩ ﺗﻤﻪ ﻳﻌﺮﻑ ﻳﻘﻮﻝ ﺍﻻ ﻛﻠﻤﺔ ﻭﺍﺣﺪﺓ ﻫﻲ ﺳﺒﺤﺎﻥ ﺍﻟﻠﻪ
.... ﻛﻞ ﺍﻟﻤﺎﺩﻳﺎﺕ ﺑﻴﻨﺴﻰ ... ﻭ ﻏﻴﺮ ﺍﻟﻠﻪ ﻣﺎ ﺑﻴﻤﺠﺪ ... ﻭ ﺑﻘﻮﻟﻮﺍ ﺍﻟﻨﺎﺱ ﺍﻧﻮ ﻋﺒﺪ ﺍﻟﻬﺎﺩﻱ ﺍﻟﻠﻪ ﻣﺎ ﺭﺯﻗﻮﺍ
ﻻ ﺍﻟﻤﺎﻝ ﻭ ﻻ ﺍﻟﺠﺎﻩ .... ﺑﺲ ﺿﻞ ﺗﻘﻲ ﻛﺜﻴﺮ .... ﻭﻭﻻﺩﻭﺍ ﺍﻟﻠﻪ ﺭﺯﻗﻬﻢ ﺍﻟﻤﺎﻝ ﻭ ﺍﻟﺪﻳﻦ ...ﻭ ﻋﺎﺷﻮﺍ
ﻣﺴﺘﻮﺭﻳﻦ ﻣﻜﺮﻣﻴﻦ ﺑﻔﻀﻞ ﺩﻋﺎ ﻟﻴﻠﺔ ﺍﻟﻘﺪﺭ ﻟﺸﺎﻓﻬﺎ ﻋﺒﺪ ﺍﻟﻬﺎﺩﻱ ﻓﻲ ﻳﻮﻡ ﻣﻦ ﺍﻳﺎﻡ ﺷﻬﺮ ﺭﻣﻀﺎﻥ ﺍﻟﻌﺸﺮﺓ
ﺍﻻﺧﻴﺮﺓ ...ﺗﻘﺒﻞ ﺍﻟﻠﻪ ﺍﻋﻤﻠﻜﻢ ﻓﻲ ﻟﻴﻠﺔ ﺍﻟﻘﺪﺭ "... ﻟﻴﻠﺔ ﺍﻟﻘﺪﺭ ﺧﻴﺮ ﻣﻦ ﺍﻟﻒ ﺷﻬﺮ ﺗﻨﺰﻝ ﺍﻟﻠﻪ ﻓﻴﻬﺎ
ﺍﻟﻤﻼﺋﻜﺔ ﻭ ﺍﻟﺮﻭﺡ ﺑﺎﺫﻥ ﺭﺑﻬﻢ ﻣﻦ ﻛﻞ ﺍﻣﺮ ﺳﻼﻡ ﻫﻲ ﺣﺘﻰ ﻣﻄﻠﻊ ﺍﻟﻔﺠﺮ