مين فيكي يادنيا يستاهل
***************
مين فيكي يادنيا يستاهل
ود وحب ومشاعر
وأگتب الشعر فيه دواوين
ومن عالم أكون شاعر
مين فيكي يادنيا يستاهل
أبات الليل سهرانه
أعد النجوم بجداره
ودموعي عليه تبات تنزف
لحد مايجي وأطمن
ويهدا القلب ومايرجف
مين فيكي يادنيا يستاهل
أستني واعيش علي الذكري
ولما يغيب ومايجي
أصبرنفسي وأقول بكره
معاه الدنيا تحلالي
ويعدي العمر سراب في سراب
لا كلمه منه ولا حتي عتاب
مين فيكي يادنيا يستاهل
أجي علي نفسي وأتحامل
وف بكره أكون أمل
بفرحه فيها ماأتجامل
لكن الدنيا غداره
قد مانديها نندم
ونقول عليها ياخساره
مين فيكي يادنيا يستاهل
وليه فيكي لبعض نتجاهل
دا دمع العين دا مش ساهل
لكن بردوا إحنا نستاهل
الكل لينا يتجاهل
مين فيكي يادنيا يستاهل
نعيش العمر نبكي عليه
ونقول لا بإدينا ولا بإديه
ولمانشوف الدموع ف عينيه
نقول لأ دا يستاهل
وبلاش تإسي يانفسي عليه
ونديله فرصه من تاني
نلاقيه غادر مايستاهل
مين فيكي يادنيا يستاهل
تموت الضحكه جوانا
وما حد يحس هوانا
دا نزف العين مابالساهل
مين فيكي يادنيا يستاهل
أنام الليل وقلبي حزين
وقلوب الخلق ما بتلين
وللظلم يقولوا آمين
مين فيكي يادنيا يستاهل
ومين لينا يتجاهل
دا نزف العين مابالساهل
مين فيكي يادنيا يستاهل
مين فيكي يادنيا يستاهل
بقلمي
صفاء عبد ربه