ﻏﻨﻮﺓ ﻋﺘﺎﺏ...بقلم الشاعر المصري أيمن بلال_ مجلة نجوم الأدب والشعر

‘‘‘‘‘‘‘‘‘ﻏﻨﻮﺓ ﻋﺘﺎﺏ
ﺗﺮﻭﺡ ﺑﻴﻨﺎ ﺍﻟﺴﻨﻴﻦ
ﻭﺍﺣﻨﺎ ﻓﻴﻜﻲ ﻣﺘﻐﺮﺑﻴﻦ
ﻃﺎﻝ ﺳﻮﺍﺩ ﻟﻴﻠﻚ
ﻭﻣﻴﻦ ﻳﺴﻤﻌﻨﺎ ﻣﻴﻦ
‘‘‘‘‘‘‘‘
ﺷﻬﺪﻙ ﺑﻘﻲ ﻋﻠﻘﻢ
ﻋﻠﻲ ﺃﺣﻼﻣﻨﺎ ﺑﻨﻨﺪﻡ
ﺑﻨﺨﺎﻑ ﻓﻴﻜﻲ ﻧﺤﻠﻢ
ﺣﺘﻲ ﻣﻦ ﺣﻠﻤﻨﺎ ﻣﺮﻋﻮﺑﻴﻦ
‘‘‘‘‘‘‘‘‘
ﺭﺍﺡ ﻓﻴﻦ ﺣﻀﻨﻚ ﻭﻟﻤﺘﻚ
ﺗﺎﻫﺖ ﻑ ﻭﺷﻮﺷﻨﺎ ﺿﺤﻜﺘﻚ
ﺿﺎﻋﺖ ﺃﻣﺎﻧﻴﻨﺎ ﻑ ﺳﻜﺘﻚ
ﻭﻣﺶ ﻋﺎﺭﻓﻴﻦ ﺍﺣﻨﺎ ﻣﻴﻦ
‘‘‘‘‘‘‘‘
ﺩﺑﻞ ﻭﺭﺩﻧﺎ ﻑ ﺟﻨﺎﻳﻨﻚ
ﻭﺷﻴﻠﺘﻴﻨﺎ ﺳﻨﻴﻦ ﻫﻤﻚ
ﺑﺘﻘﺘﻠﻴﻨﺎ ﻭﻻ ﺑﻴﻬﻤﻚ
ﻭﻑ ﺣﻀﻨﻚ ﻣﺴﺠﻮﻧﻴﻦ
‘‘‘‘‘‘‘‘
ﺑﻨﺨﺎﻑ ﻡ ﺍﻟﻜﻼﻡ ﻭﺍﻟﺴﻜﺎﺕ
ﺑﻨﺨﺎﻑ ﻡ ﺍﻟﻠﻲ ﺟﺎﻱ ﻭﺍﻟﻠﻲ ﻓﺎﺕ
ﺑﻘﻴﻨﺎ ﻧﺤﺴﺪ ﺍﻟﻔﻘﻴﺪ ﻋﺎﻟﻤﻤﺎﺕ
ﻭﻋﺎﻳﺸﻴﻦ ﻓﻴﻜﻲ ﻣﻴﺘﻴﻦ
‘‘‘‘‘‘‘‘
ﺣﺘﻲ ﻭﺷﻮﺷﻨﺎ ﺍﺗﻐﻴﺮﺕ
ﺍﻟﻀﺤﻜﺔ ﻓﻴﻬﺎ ﺍﺗﺒﺪﻟﺖ
ﺍﻟﻨﻜﺘﺔ ﺑﺎﺧﺖ ﻭﻣﺴﺨﺖ
ﻭﺻﻌﺐ ﻧﻌﺮﻑ ﺍﺣﻨﺎ ﻣﻴﻦ
‘‘‘‘‘‘‘‘
ﻧﻔﺴﻨﺎ ﻧﻠﻘﻲ ﻓﻴﻜﻲ ﻧﻔﺴﻨﺎ
ﺳﻨﻴﻨﻨﺎ ﺑﺘﻬﺮﺏ ﻓﻴﻜﻲ ﻣﻨﻨﺎ
ﻭﺷﺒﺎﺑﻨﺎ ﺷﺎﺏ ﻋﻨﺪﻙ ﻫﻨﺎ
ﻭﺟﻮﺍ ﺩﺭﻭﺑﻚ ﻣﺘﻐﺮﺑﻴﻦ
‘‘‘‘‘‘‘
ﻟﻴﻪ ﻣﻜﺘﻮﺏ ﺗﺒﻘﻲ ﺳﺠﺎﻧﻨﺎ
ﻭﻣﻬﻤﺎ ﻧﺤﻠﻢ ﺗﻘﺘﻠﻲ ﺃﺣﻼﻣﻨﺎ
ﺑﻘﻴﻨﺎ ﻧﺨﺎﻑ ﺣﺘﻲ ﻣﻦ ﺃﻳﺎﻣﻨﺎ
ﻭﻣﻦ ﺣﺒﻚ ﺩﺍﻳﻤﺎ ﻣﺤﺮﻭﻣﻴﻦ
‘‘‘‘‘‘‘‘
ﻣﺎﻟﻚ ﻳﺎﺑﻬﻴﺔ ﺍﻳﻪ ﺍﻟﺴﺒﺐ
ﻭﺍﻟﻠﻪ ﻣﺎ ﻛﺮﻩ ﻭﻟﻼ ﻋﺘﺐ
ﺑﺲ ﺍﻟﻤﻼﻡ ﻃﺒﻊ ﻭﻏﻠﺐ
ﻭﺩﻩ ﻳﺎﺣﺒﻴﺘﻲ ﻟﻮﻡ ﺍﻟﻌﺎﺷﻘﻴﻦ