ﻳﻮﻣﻴﺎﺕ ﻧﺎﺋﺐ ﻓﻰ ﺍﻟﺒﺮﻟﻤﺎﻥ.. بقلم الشاعر المصري ياسر شرف - مجلة نجوم الأدب والشعر

ﺍﻧﺎ ﻛﻨﺖ ﻣﺎﺷﻰ ﻓﻰ ﺳﺎﻋﺔ ﻧﻬﺎﺭ ﻭﺳﻤﻌﺖ ﺩﻭﺷﺔ ﻭﺩﻕ ﻭﺯﺍﺭ
ﺑﻴﻘﻮﻟﻮﺍ ﺗﺮﺷﻴﺢ ﻟﻠﺒﺮﻟﻤﺎﻥ ﺩﻯ ﺷﻐﻠﺔ ﻫﺎﻳﻠﺔ ﻓﻮﺍﻳﺪﻫﺎ ﻛﺘﺎﺭ
ﻣﺮﻛﺰ ﻭﻗﻴﻤﺔ ﻭﻛﻴﻠﻮ ﺧﻴﺎﺭ ﻭﺗﺨﻠﻴﻞ ﻣﺼﺎﻟﺢ ﻓﻰ ﺍﻟﺒﺮﻃﻤﺎﻥ
ﻭﺗﻤﻨﻬﺎ ﺳﻤﻨﺔ ﻭﺯﻳﺖ ﻟﺴﻮﻻﺭ ﻭﺑﻠﻄﺠﻴﺔ ﻣﻦ ﺍﻷﺧﻴﺎﺭ
ﻭﺗﻠﻤﻴﻊ ﻟﺼﻮﺭﺓ ﻓﻰ ﺍﻻﻋﻼﻡ ﻭﻟﺴﺎﻥ ﺑﻴﻜﺬﺏ ﻛﻠﻪ ﺗﻤﺎﻡ
ﻭﺗﺮﺑﻴﻄﺎﺕ ﻟﺮﺟﺎﻝ ﺃﻋﻤﺎﻝ ﻭﻗﻌﺪﺍﺕ ﻗﻬﺎﻭﻯ ﻣﻊ ﺍﻻﺣﻼﻡ
ﻭﺗﻌﻤﻞ ﻣﻦ ﺍﻟﺒﺤﺮ ﻃﺤﻴﻨﺔ ﻭﻭﻋﻮﺩ ﺍﻣﺎﻧﻰ ﻓﻰ ﺍﺛﻴﻨﺎ
ﻭﺃﻫﻮ ﻛﺬﺏ ﺃﺑﻴﺾ ﻋﺸﺎﻥ ﺍﻟﻤﺮﻭﺭ ﻭﻓﻰ ﺣﺞ ﻋﻤﺮﺓ ﻳﻜﻮﻥ ﻣﻐﻔﻮﺭ
ﻭﺍﻟﺪﺧﻠﺔ ﺗﺒﻘﻰ ﺑﺮﺟﻞ ﻳﻤﻴﻦ ﻳﻌﻘﺒﻬﺎ ﺻﻘﻔﺔ ﻣﻊ ﺍﻻﺳﺎﻓﻴﻦ
ﻭﺗﺜﺒﺖ ﻓﻰ ﻛﻼﻡ ﻛﺪﻩ ﺑﺎﻟﻤﻼﻳﻴﻦ ﺑﻠﺒﺎﻗﺔ ﻭﺷﻄﺎﺭﺓ ﻣﻊ ﻭﺯﻳﺮ
ﻭﺗﺮﺩ ﻟﺮﺟﺎﻝ ﺑﻌﺾ ﺍﻟﺪﻳﻦ ﻭﺑﺰﺑﻴﺒﺔ ﺣﺘﺒﻘﻰ ﺭﺟﻞ ﺍﻟﺪﻳﻦ
ﻭﺣﺴﺎﺏ ﻣﺠﻤﻊ ﻓﻰ ﺣﺼﺎﻟﺔ ﻭﺍﺩﻳﻬﺎ ﺑﻤﺒﺔ ﺑﺤﺼﺎﻧﺔ
ﻭﺗﻌﺮﻑ ﺗﻨﺎﻡ ﻛﺪﻩ ﻓﻰ ﺍﻟﺠﻠﺴﺎﺕ ﻭﺗﻘﺒﺾ ﺗﻤﻨﻬﺎ ﺣﺎﺟﺎﺕ ﻭﺣﺎﺟﺎﺕ
ﺻﺤﻴﺎﻥ ﻭﻧﻮﻡ ﻛﻠﻪ ﻣﺼﺎﻟﺢ ﻭﺍﻟﻠﻰ ﺑﻴﺰﻋﻞ ﺑﻴﺘﺼﺎﻟﺢ
ﻭﺗﺤﻂ ﻻﻳﺤﺔ ﻟﻸﺳﻌﺎﺭ ﺩﻯ ﺍﻟﻌﻴﺸﺔ ﺻﻌﺒﺔ ﻭﺑﻘﺖ ﻧﺎﺭ
ﻭﻛﻠﻪ ﻓﻰ ﻣﻴﺰﺍﻧﻚ ﻛﺪﻩ ﺣﺴﻨﺎﺕ ﻭﺍﻟﺮﻙ ﺑﺮﺿﻪ ﻋﻠﻰ ﺍﻟﻨﻴﺎﺕ
ﻭﻣﻬﻢ ﺗﺨﺘﺎﺭ ﺍﺣﻠﻰ ﺷﻌﺎﺭ ﻟﻠﺪﺍﻳﺮﺓ ﻭﻧﺎﺧﺒﻴﻬﺎ ﺍﻷﺣﺮﺍﺭ
ﻭﺍﻟﺮﻣﺰ ﻳﺒﻘﻰ ﺍﻟﻤﻨﺸﺎﺭ ﻓﻰ ﺧﺪﻣﺘﻚ ﻟﻴﻞ ﻭﻳﺎ ﻧﻬﺎﺭ
ﻭﺍﻟﻠﻰ ﻳﺸﻮﻓﻚ ﺑﻌﺪ ﺍﻟﺰﺍﺭ ﻟﻴﻪ ﺟﺎﻳﺰﺓ ﻛﺪﻩ ﺑﺎﻟﺰﻳﺖ ﺍﻟﺤﺎﺭ
ﻭﻗﻠﺖ ﻳﺎﺳﻼﻡ ﻳﺎﺳﻼﻡ ﻟﻮ ﺃﺑﻘﻰ ﻧﺎﺋﺐ ﻓﻰ ﺍﻟﺒﺮﻟﻤﺎﻥ
ﻛﺎﻧﺖ ﺩﻯ ﺗﻀﺤﻚ ﻟﻰ ﺍﻷﻳﺎﻡ ﻭﺃﻛﻞ ﻓﻰ ﺑﻂ ﻭﻳﺎ ﺣﻤﺎﻡ
ﻭﺍﺗﺎﺭﻳﻪ ﺩﻩ ﺣﻠﻢ ﻛﺎﻥ ﻓﻰ ﻣﻨﺎﻡ ﺗﺮﺷﻴﺢ ﻟﻨﺎﺋﺐ ﻓﻰ ﺍﻟﺒﺮﻟﻤﺎﻥ
ﻭﺧﻠﻠﺖ ﻓﻠﻔﻞ ﻓﻰ ﺑﺮﻃﻤﺎﻥ ﻳﻤﻜﻦ ﺩﻩ ﻳﺘﺤﻘﻖ ﻓﻰ ﺯﻣﺎﻥ