مش بالكلام...بقلم الشاعر محمود ابو الوفا ـ مجلة نجوم الأدب والشعر

مش بالكلام
مش هأقول انك واحشني
اصلها مش بالكلام
دا أنت لو عينيك تشوفني
تقول لنفسك لأ حرام
ماتقولش يوم بس اللي غيبته
ماتقولش دا أنا كام ساعه سيبته
قلبي لو عينيك حبيبته
فرقته بيموت آلام
مش هأقول انك واحشني
اصلها مش بالكلام
مش هأقول انك واحشني أد ايه
مش هأقولك حتي تاني بعدت ليه
قولتلك موتي في بعدك
خوفي لتقدر عليه
أياك فاكرني اني بعاتبك
او يجيلي قلب احاسبك
انا بس بشرحلك ايه بُعدك
والبعاد مش غيبت كام
مش هأقول انك واحشني
اصلها مش بالكلام