سيف الهوي ... بقلم الشاعرة المصرية نادية بدري محمد ـ مجلة نجوم الأدب والشعر

أجمل سيوفك كان سيف الهوي
طعنتة في القلب وملهاش دوي
سيوف كتير قبلها .وسيوف كتير بعدها
طعنات كتير عشتها .. ولسه عايشه بجرحها
نظرة عنيك ساعة ما شفتك
همسة شفايفك ... صمتك وضحكك
لكن فرائك وبعدك
كانت سيوف كرهت منك طعنها
ف الضهر انت زرعتها ... وبالدمعه انا عشتها
والحزن كان بينزف من قلبي وقتها
وكنت اكتم واخبي
واخاف يعرفو ظلمك لحبي
مناديل الكون لم تجفف نزفها
عيون السما كانت شاهدها وربها
إني ف يوم ماكرهتك
اني ق يوم مابعتك
حتي لما سبتني ورحت لواحدة تانيا عشقتها
حتي في جرحك كنت والله بدعي
واقول ربي يسعده بيها ويابختها
لكن أرجع اقول
أجمل سيوف قتلتني منك كان سيف الهوي
فاكر لما كنت تضحك عليه
لما عيوني تبكي بحنيه
وكنت تقول حقك ياغاليه دمي
دا حقك غالي مش ميه
اليوم جاي تضحك .. بس ضحك سخيف
وش الكدب في العشق بيبان مخيف
كان نفسي تكون صريح
ولو حتي تعتذر وتقول انا لسه بحبها
لكن تخدعني وكمان تخدع حبها
اهو ده سيف لجسدي انا مقبلوش
وبلاش تقول حبك
لان حبك كان سيوف بالالوف معرفتش حتي اعدها